„ნაციონალური მოძრაობის“ ფოთის მერობის ყოფილმა კანდიდატმა, გიგი უგულავამ ოპოზიციის საპროტესტო აქციაზე ჟურნალისტებს განუცხადა, რომ როგორც კი მიხეილ სააკაშვილი გადავა სამკურნალო დაწესებულებაში, არანაირი აქციები იმ დაწესებულებასთან არ იქნება.

„მთავარია, რომ გადარჩეს მიხეილ სააკაშვილის და ელენე ხოშტარიას სიცოცხლე. გორის ჰოსპიტალზე, მოდით, დავაცადოთ და ექიმებმა თვითონ თქვან და რაც შეეხება პროტესტის ნაწილს, როგორც კი მიხეილ სააკაშვილი დატოვებს და გადავა სამკურნალო დაწესებულებაში, ჩვენ ყველამ, ნიკა მელიამ და ყველა პოლიტიკურმა ლიდერმა გააკეთა მკაფიო განცხადება, რომ არანაირი აქციები იმ დაწესებულებასთან არ იქნება, პირიქით, ჩვენ ყველას მოვუწოდებთ და გავაფრთხილებთ და თუ პოლიცია საჭიროდ ჩათვლის, მათ მივეხმარებით მსგავსი რამე არ იყოს, იმიტომ, რომ ჩვენთვის ახლა პრინციპულად მნიშვნელოვანია ამ ორი ადამიანის სიცოხლის გადარჩენა“, განაცხადა გიგი უგულავამ.

უგულავას კომენტარს წინ უძღოდა იუსტიციის მინისტრის, რატი ბრეგაძის განცხადება და შეთავაზება სააკაშვილისადმი: „ადამიანის სიცოცხლისა და ჯანმრთელობის ინტერსებიდან გამომდინარე, ადამიანის უფლებათა სასამართლოს გადაწყვეტილების სისრულეში მოსაყვანად, რომელსაც ობსტურქციული პოლიტიკური ძალების წაქეცებით არ ასრულებს პატიმარი სააკაშვილი, ვთავაზობთ შემდეგს, რომ ის გადაყვანილი იყოს გიორგი აბრამიშვილის სახელობის თავდაცვის სამინისტროს სამხედრო ჰოსპიტალში", - თქვა ბრეგაძემ საგანგებო ბრიფინგზე.