მიხეილ სააკაშვილმა აუცილებლად უნდა შეწყვიტოს შიმშილობა, გორის სამხედრო ჰოსპიტალი მრავალპროფილურია და დაკომპლექტებულია კარგი ექიმებით, – ამის შესახებ ექიმმა, ანზორ მელიამ „ტვ პირველის“ ეთერში განაცხადა.

„მიხეილ სააკაშვილმა აუცილებლად უნდა შეწყვიტოს შიმშილობა. პირველი ნაბიჯი მაინც გადადგა ამ მთავრობამ. გორის სამხედრო ჰოსპიტალი მრავალპროფილურია და დაკომპლექტებულია კარგი ექიმებით; აქვთ შესანიშნავი აპარატურა, სადაც შეიძლება მონიტორინგი ჩაუტარდეს ყოველწამიერი, ამიტომაც აუცილებლად უნდა დათანხმდეს, ამით თავსაც გადაირჩენს, ელენე ხოშტარიასაც გადაარჩენს, პაატა ბურჭულაძესაც და ათეულობით მოშიმშილეს. ჩვენ გვინდა ცოცხალი, საღი აზროვნების და გონების პრეზიდენტი, ამიტომ რაც შეიძლება სწრაფად უნდა მოხდეს შიმშილობის შეწყვეტა, მაგრამ აუცილებელია, რომ აუცილებელია საუკეთესო ექიმები ჩაერთონ და შესაძლებელია საზღვარგარეთიდანაც ჩამოიყვანონ, რათა წუთობრივად დაუნიშნონ დიეტები და ა. შ“, – განაცხადა ანზრო მელიამ.