უბედური შემთხვევის შედეგად ბიზნესმენი ილია კოკაია დაიღუპა. ტრაგიკული შემთხვევა სტეფანწმინდის მუნიციპალიტეტში, ზღვის დონიდან 3493 მეტრზე მდებარე დედაენას მწვერვალზე ლაშქრობისას მოხდა. მისი ცხედარი მთიდან უკვე ჩამოასვენეს.
როგორც „მთავარი არხი“ იტყობინება, ბიზნესმენი მეგობარ ლევან მუშკუდიანთან ერთად მწვერვალის დასალაშქრად მიდიოდა, რა დროსაც მას ფეხი დაუცურდა, თავი დაარტყა და ადგილზე დაიღუპა. განგაშის სიგნალი გუდაურის სამაშველო სამსახურში ლევან მუშკუდიანისგან შევიდა, რის შემდეგაც ადგილზე სამაშველო ეკიპაჟი გაემართა.
ილია კოკაია გამოცდილი მთამსვლელი იყო, რომელსაც ბევრი ცნობილი მწვერვალი ჰქონდა დალაშქრული. იგი ფლობდა სასტუმროების ქსელს გუდაურში, ფეროშენადნობთა ქარხნის წილს და ასევე იყო საფეხბურთო კლუბ „ზესტაფონის“ მფლობელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.