საქართველოს შინაგან საქმეთა სამინისტრო გზებზე არსებულ მდგომარეობასთან დაკავშირებით განცხადებას ავრცელებს.
შინაგან საქმეთა სამინისტრო , მოსახლეობის უსაფრთხოების მიზნით, საქართველოს სხვადასხვა რეგიონში, დიდთოვლობის გამო შეფერხებულ საავტომობილო მოძრაობას არეგულირებს.
მათივე ინფორმაციით, სვანეთში, ზუგდიდი-ჯვარი-მესტია-ლასდილის საავტომობილო გზის 70-1880-ე კილომეტრზე (ხაიში-უშგული) დიდთოვლობის გამო აკრძალულია მისაბმელიანი, ნახევრადმისაბმელიანი ავტოტრანსპორტის და 30-ადგილზე მეტი ტევადობის ავტობუსების მოძრაობა. დანარჩენი სახის ტრანსპორტისთვის მოძრაობა ნებადართულია.
იმერეთში, თბილისი-სენაკი-ლესელიძის საავტომობილო გზის 206-ე კილომეტრზე, გზის 10 მეტრიანი მონაკვეთის დაზიანება მდინარე ჩხარას ადიდებამ გამოიწვია. აღნიშნულის გამო, შსს-ს საპატრულო პოლიციის დეპარტამენტის ქუთაისის მთავარი სამმართველო, უსაფრთხო გადაადგილების მიზნით, გზის ამ მონაკვეთზე შემდეგ განრიგს აწესებს: ქუთაისიდან თბილისის მიმართულებით ავტომობილები თერჯოლა-სიქთარვას შემოვლითი გზით იმოძრავებენ, ხოლო საპირისპირო მიმართულებით – ზესტაფონი-ბაღდათი-ქუთაისის საავტომობილო გზაზე. აღნიშნულ მონაკვეთზე ყველა სახის ავტოსატრანსპორტო საშუალების მოძრაობა ნებადართულია.
სამინისტროს ცნობით, სამცხე-ჯავახეთში, ტიკმატაჟის უღელტეხილზე, დიდთოვლობის გამო გზა ჩაკეტილია. ადგილზე მობილიზებული არიან სამცხე-ჯავახეთის პოლიციის დეპარტამენტის თანამშრომლები. ასევე, მობილიზებულია მძიმე ტექნიკა.
ნინოწმინდა-ახალქალაქის გზაზე მოძრაობა შეფერხებული არ არის, თუმცა ქარბუქის გამო ნინოწმინდიდან წალკაში გადასასვლელი გზა გადაკეტილია.
აჭარაში, გოდერძის უღელტეხილზე მიმდინარეობს თოვლში ჩარჩენილი რამდენიმე ავტომანქანის გამოყვანა. ადგილზე მობილიზებული არიან შსს-ს აჭარის პოლიციის დეპარტამენტის ხულოს რაიონული სამმართველოს, ასევე, რეგიონული განვითარებისა და ინფრასტრუქტურის სამინისტროს საგზაო დეპარტამენტის თანამშრომლები. მოქალაქეების ჯანმრთელობას საფრთხე არ ემუქრება. ამ დროისთვის გამოჰყავთ ერთი სამარშრუტო ტაქსი, სადაც 8 მგზავრი იმყოფება და 1 მსუბუქი ავტომობილი მძღოლთან ერთად. ხულოს რაიონში, გოდერძის უღელტეხილზე ყველა სახის ავტოსატრანსპორტო საშუალების მოძრაობა შეზღუდულია. აჭარის დანარჩენ ტერიტორიაზე გზის არცერთ მონაკვეთზე მოძრაობა შეზღუდული არ არის.
მცხეთის რაიონში, გუდაური-კობის მონაკვეთზე აკრძალულია ტრაილერების და სატვირთო ავტომობილების მოძრაობა, ხოლო მსუბუქი ავტომანქანები მოძრაობენ ჯაჭვებით.
კახეთში, გომბორის უღელტეხილზე ამ დროისთვის ტრანსპორტის მოძრაობა არ არის შეზღუდული. დასაშვებია ყველანაირი ავტოსატრანსპორტო საშუალების გადაადგილება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.