ჩინეთის ონლაინ გაყიდვების გიგანტმა "ალიბაბამ" ერთ დღეში ყველა დროის გაყიდვების რეკორდი მოხსნა. დასავლეთელებისთვის ონლაინ გაყიდვების მხრივ საყოველთაოდ ცნობილი ვებგვერდები Amazon ან eBay–ია, მაგრამ ჩინეთში Alibaba–მ, ერთი დღის გაყიდვების მონაცემებით, მისი ამერიკული კონკურენტები საგრძნობლად ჩამოიტოვა უკან.

დასაოჯახებლების დღე, ყოველწლიური ონლაინ გაყიდვების დღე ჩინეთში, რომელიც ამერიკული კიბერ ორშაბათის მსგავსია, 2009 წლის შემდეგ მეტად პოპულარული გახდა და ის ყოველი წლის 11 ნოემბერს იმართება. გასულ წელს მომხმარებელმა ერთ დღეში $9.3 მილიარდი დოლარი დახარჯა. წელს კი მყიდველების დახარჯული თანხა 5 მილიარდი აშშ დოლარით გაიზარდა და მან 24 საათის განმავლობაში, რეკორდული 14.3 მილიარდი დოლარი შეადგინა.

აშშ–ში კი, ერთ დღეში ყველაზე დიდ ონლაინ გაყიდვებს 2014 წლის 1 დეკემბერს ჰქონდა ადგილი, მიღებულმა თანხამ 2.04 მილიარდი დოლარი შეადგინა და ამ დღეს კიბერ ორშაბათი უწოდეს.

ჯეკ მამ "ალიბაბა" 2009 წელს უცოლო და უქმრო ადამიანებისთვის დააფუძნა.