„ერთიანი ნაციონალური მოძრაობის“ თავმჯდომარემ ნიკა მელიამ პარლამენტის შენობასთან შეკრებილ მხარდამჭერებს განუცხადა, რომ „უვადო შიმშილობის აქტს“ იწყებენ, რომელიც გაგრძელდება მანამ, ვიდრე მიხეილ სააკაშვილი არ იქნება გათავისუფლებული პატიმრობიდან.

„ჩვენ ვიწყებთ ამ მასობრივ შიმშილობას კახეთის გზატკეცილზე, ჩვენი „ერთიანი ნაციონალური მოძრაობის“ ოფისის მიმდებარე ტერიტორიაზე და ვიქნებით ძალიან ბევრნი“, - განაცხადა ნიკა მელიამ და დაამატა, რომ სხვა უფლება არ აქვთ „გარდა შეტევისა და იძულებისა, რომ რეჟიმს უკნა დავახევინოთ და მიტაცებული სახელმწიფო ხელიდან გავაგდებიოთ“.

„ახლა აქედან ჩავდივარ, მეგობრებთან მივდივარ კახეთის გზატკეცილისკენ. ვიცი, რომ ბევრი თქვენგანი იქ წამოხვალთ და იქ, და სხვაგანაც, ვიქნებით მანამ, სანამ მიხეილ სააკაშვილი არ გათავისუფლდება ტყვეობიდან. ეს შიმშილობის უმძიმესი აქტი იქნება უვადო, მიხეილ სააკაშვილის გათავისუფლებამდე“, - აღნიშნა მელიამ.

მან ასევე თქვა, რომ პარლამენტის შენობის წინ შიმშილობის აქციას იქიდან გამომდინარე არ იწყებენ, რომ ეს სივრცე საახალწლოდ ბავშვებისთვისაა განკუთვნილი, თუმცა განმარტა, რომ მომავალში მოვლენების განვითარების შესაბამისად მიიღებენ გადაწყვეტილებებს.