„ლეიბორისტული პარტიის“ თავმჯდომარე შალვა ნათელაშვილი საქართველოს ყოფილ პრემიერ-მინისტრს, ბიძინა ივანიშვილს ურჩევს მიხეილ სააკაშვილი საზღვარგარეთ კლინიკაში სამკურნალოდ გადაიყვანოს.

„მინდა მოვუწოდო კიდევ ერთხელ ამ მარაზმატიკ მთავრობას და მანიაკ ივანიშვილს, ის რეალურად მანიაკია და დარწმუნებული ვარ, პირდაპირი ჩართვაც არის, ალბათ უყურებს თავისი ასე ვთქვათ, ყოფილი პარტნიორის - ერთად იყვნენ, რევოლუცია ერთად მოაწყვეს - და შემდგომ მტრად გადაკიდებული ესპრეზიდენტის წამებას, და ტკბება ამით, იმიტომ რომ ასეთი მიზანტროპია, შესაბამისად მე ვურჩევ მას დროზე მოახდინოს ეტაპირება საზღვარგარეთ სამკურნალოდ კლინიკაში, არის ამის შესაძლებლობა საპროცესო კოდექსით“, - განაცხადა ნათელაშვილმა „ტვ პირველის“ ეთერში.