საბურთალოს რაიონის გამგეობამ, დიდ დიღომში, მესამე მიკრორაიონის დასაწყისში, ახალი რეკრეაციული სივრცის მოწყობა დაიწყო. სამუშაოებს თბილისის მერის მოადგილე ანდრია ბასილაია და საბურთალოს რაიონის გამგებელი გაიოზ ვასაძე გაეცნენ.
აღნიშნული ტერიტორია წლების განმავლობაში კერძო საკუთრებაში იყო. დიდი დიღმის მოსახლეობა ამ ტერიტორიაზე, რომელზეც ძველი სპორტული მოედანი მდებარეობდა და გაყიდული იყო რამდენიმე მესაკუთრეზე, რეკრეაციული სივრცის მოწყობას ითხოვდა. თბილისის მერის გადაწყვეტილებით, ადგილმონაცვლეობა მოხდა და ტერიტორია მუნიციპალიტეტს დაუბრუნდა.
რეკრეაციულ სივრცეში, პროექტის ფარგლებში, ამფითეატრი, ველობილიკი, შადრევანი, საბავშვო და ფიტნეს სივრცე მოეწყობა. ასევე, LED განათების სისტემა და სკვერისთვის ყველა საჭირო ინვენტარი განთავსდება. ამასთან, ტერიტორიაზე გამწვანების სამუშაოებიც განხორციელდება. მოეწყობა სარწყავი სისტემა, დაიგება რულონური ბალახი და სხვადასხვა სახის ხე-მცენარეები დაირგვება.
პროექტისთვის საბურთალოს რაიონის გამგეობის ბიუჯეტიდან 1 600 000 ლარია გამოყოფილი.
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.