თბილისის ვიცე-მერი ირაკლი ხმალაძე თბილისის სატრანსპორტო კომპანიის თანამშრომლების დაკავების ფაქტს გამოეხმაურა და აღნიშნა, რომ კორუფციის გამოვლენის მიზნით, დედაქალაქის მერია მჭიდროდ თანამშრომლობს სამართალდამცავ ორგანოებთან.
„სამწუხაროა, რომ მსგავსი ფაქტები პერიოდულად მეორდება, მაგრამ ჩვენ - დედაქალაქის მერი, მოადგილეები, თითოეული სამსახურის ხელმძღვანელი ყველაფერს ვაკეთებთ იმისათვის, რომ ასეთი ფაქტების პრევენცია მოხდეს და მინიმუმამდე დავიყვანოთ.
ჩვენ მჭიდროდ ვთანამშრომლობთ სამართალდამცავ ორგანოებთან და ყველა ასეთ ფაქტს მოჰყვება რეაგირება. საჭიროა მეტი ყურადღება და დღეს დედაქალაქის მერმაც ისაუბრა ამ თემაზე. პერიოდულად, ჩვენ ვაკეთებთ საჯარო განცხადებებს და შიდა სამუშაო რეჟიმშიც, სამსახურის უფროსებთან, სხვადასხვა დანაყოფების ხელმძღვანელებთან მუდმივად გვაქვს ამ თემაზე კომუნიკაცია. რაც შესაძლებელია, ვაკეთებთ. თუ მომავალში კიდევ იქნება მსგავსი ფაქტები, ამასაც მოჰყვება შესაბამისი რეაგირება.
რაც შეეხება დღევანდელ ფაქტს, მე დეტალებზე არ ვისაუბრებ. ეს გამოძიების საგანია. გამოძიების პროცესში ყველაფერი დადგინდება და კანონის ფარგლებში მიღებული იქნება შესაბამისი გადაწყვეტილება“, - განაცხადა ირაკლი ხმალაძემ.
როგორც თბილისის ვიცე-მერმა აღნიშნა, სამსახურებრივი გადაცდომების მონიტორინგი და პრევენციული ღონისძიებები მუნიციპალიტეტის უწყებებში მუდმივად ტარდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.