მოსკოვში, საფრანგეთის პრეზიდენტის, მაკრონის და რუსეთის პრეზიდენტის, პუტინის მოლაპარაკებები გაიმართა, რომელიც 6 საათს გაგრძელდა! ამის შემდეგ, ორივემ პრეს-კონფერენციაზე ფრანგი და რუსი ჟურნალისტების მიერ დასმულ რამდენიმე შეკითხვას უპასუხა.
პუტინის პასუხების მიხედვით, აშკარად გამოჩნდა, რომ არსებული მწვავე კრიზისი დასავლეთსა და რუსეთს შორის ურთიერთობებში, რომელშიც რამოდენიმე პრობლემური საკითხი გამოიკვეთა და რომლებიც მოცემულია რუსეთის მიერ აშშ-ის და ნატო-ს მიმართ გაგზავნილ დოკუმენტებში, უმთავრესი გახლავთ - ყირიმის საკითხი, - რომლის გარშემოც "აწყობილია" ყველა სხვა საკითხი და "მოთხოვნები" (ნატო-ს გაფართოება აღმოსავლეთით, ნატო-ს 1997 წლის პოზიციებზე დაბრუნება, შეტევითი შეიარაღების არ განთავსება და კონტროლი აღმოსავლეთ ევროპაში და ა.შ. მათ შორის, აბსურდული მოთხოვნები, რომლებიც თვითონ რუსეთმაც კარგად იცის, რომ შეუსრულებადია!)!
კრემლში, გუშინდელ პრესკონფერენციაზე პუტინმა, რომელიც შესამჩნევად გაღიზიანებული იყო და ამის დაფარვას ცდილობდა უკრაინის ყოფილი და მოქმედი პრეზიდენტების ცინიკურად მოხსენიებით, შეიძლება ითქვას, რომ პირველად საჯაროდ აღიარა, ნატო-ს წევრი სახელმწიფოების სამხედრო პოტენციალის უპირატესობა რუსეთთან შედარებით! თუმცა, გამოცდილი შანტაჟისტისთვის დამახასიათებელი ნიშნისმოგებით იქვე დასძინა, რომ - რუსეთი ბირთვული ზესახელმწიფოა და დასავლეთთან ომის შემთხვევაში გამარჯვებულები არ იქნებიან!..
აი, სიტყვა-სიტყვით პუტინის პასუხის ფრანგი ჟურნალისტის შეკითხვაზე, ზემოთ აღნიშნულ საკითხთან დაკავშირებით! - პუტინი:"რატომ არის საშიში უკრაინის შესაძლებელი მიღება ნატო-ში? იმიტომ, რომ არსებობს პრობლემა... აი, ევროპის სახელმწიფოები, მათ შორის, საფრანგეთი, მიიჩნევენ, რომ ყირიმი უკრაინის შემადგენელი ნაწილია, მაგრამ, ჩვენ ვთვლით, რომ ყირიმი არის რუსეთის ტერიტორიის ნაწილი! და, თუ იქნება მცდელობა სამხედრო გზით ამ სიტუაციის შეცვლის, რომელიც უკრაინის ოფიციალურ დოკემენტებში დოქტრინის სახით არის ჩაწერილი, სადაც რუსეთის ფედერაცია - მოწინააღმდეგედ არის წარმოდგენილი, იმ შემთხვევაში თუ უკრაინა ყირიმის სამხედრო გზით დაბრუნებას შეეცდება! წარმოიდგინეთ, რომ ამ დროს უკრაინა არის ნატო-ს წევრი და ნატო-ს დოქტრინის მე-5 სტატია არ არის გაუქმებული, რომლის შესახებ აშშ-ის პრეზიდენტმა ბაიდენმა განაცხადა, რომ მე-5 სტატია არის აბსოლუტური იმპერატივი და იგი შესრულდება! ეს ნიშნავს, რომ წარმოიშვება სამხედრო კონფრონტაცია რუსეთსა და ნატო-ს შორის! ამასწინათ, გამართული პრეს-კონფერენციის დროს მე დავსვი კითხვა:"ჩვენ რა, ვიომოთ ნატო-სთან"? - დღეს კი, მინდა გკითხოთ, რადგან არსებობს ამ კითხვის მეორე მხარე: "თქვენ, გინდათ იომოთ რუსეთთან"? - კითხეთ საფრანგეთის მოქალაქეებს: "მათ უნდათ, რომ საფრანგეთმა იომოს რუსეთთან"? - ეს ხომ, ასეც მოხდება... თქვენ, გესმით თუ არა, რომ, თუ უკრაინა გახდება ნატო-ს წევრი და სამხედრო გზით შეეცდება ყირიმის თავისთან უკან დაბრუნებას, ნატო-ს წევრი ევროპის სახელმწიფოები ავტომატურად აღმოჩნდებიან ჩათრეული რუსეთთან სამხედრო კონფლიქტში!
რა თქმა უნდა, რომ ნატო-ს სამხედრო ორგანიზაციაში გაერთიანებული წევრების პოტენციალს - რუსეთი ვერ შეედრება! ჩვენ ეს ვიცით, მაგრამ, ჩვენ ასევე ვიცით ის, რომ რუსეთი - ერთ-ერთი წამყვანი ბირთვული ზესახელმწიფოა, რომელიც ზოგიერთ თანამედროვე სამხედრო კომპონენტში, სხვებს უსწრებს! ამიტომ, დაპირისპირების შემთხვევაში, გამარჯვებულები არ იქნებიან, და თქვენ, საკუთარი ნების საწინააღმდეგოდ აღმოჩნდებით ჩათრეულები ამ კონფლიქტში! თქვენ, "თვალის დახამხამებას ვერ მოასწრებთ", როცა დაიწყება რომის ხელშეკრულების მე-5 პუნქტის ამოქმედება"!
ჯუმბერ კირვალიძე,
პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.