გიგი უგულავას შეფასებით საქართველოს ხელისუფლების უმაღლეს ეშელონებში ძალაუფლების გადანიწილება მიდის და ბიძინა ივანიშვილმა „ქართული ოცნების“ მხარდამჭერები „სრულიად გაუნათლებელი, აბსოლუტურად დაუბალანსებელი ღარიბაშვილისა და შეშინებული და შლეგი კობახიძის ამარა“ დატოვა.

„ხელისუფლების აღამსარულებელ შტოს ივანიშვილი მთლიანად აბარებს ღარიბაშვილს და საპირწონედ, პარლამენტს მთლინად აბარებს კობახიძეს. მე მინდა „ქართული ოცნების“ ამომრჩევლებს ვუთხრა, რომ თქვენც იგივენაირად გტკივათ ეკონომიკური სიდუხჭირე, ინფლაცია და ეს უბედურება და უბრალოდ გავაცნობიეროთ, რომ ივანიშვილმა, მათ შორის თქვენ, ვინც ყველაზე მეტად უჭერდით მხარს, დაგტოვათ სრულიად გაუნათლებელი, აბსოლუტურად დაუბალანსებელი ღარიბაშვილის ამარა და მეორე, შეშინებული და შლეგი კობახიძის ამარა. ანუ, მთელი ის იდეები, რომლითაც „ქართული ოცნება“ თავის დროზე მოვიდა, დავიდა საბოლოო ჯამში ღარიბაშვილსა და კობახიძეს შორის ძალაუფლების განაწილებამდე და და ჩვეულებრივ მოქალაქეს ამასთან არაფერი კავშირი არ აქვს დ ამისგან არაფერს არ უნდა ელოდოს“, - განაცხადა უგულავამ, რომელმაც „ფორმულას“ ეთერში საქართველოს პრემიერ-მინისტრის, ირაკლი ღარიბაშვილის მიერ მთავრობაში განხორციელებული საკადრო გადაწყვეტილებები შეაფასა.