GUARDIAN.GE - კიევის მერის, ვიტალი კლიჩკოს განცხადებით, უკრაინის დედაქალაქში რუსული ჯარები არ იმყოფებიან და ქალაქი განაგრძობს თავდასხმებისაგან თავდაცვას. კლიჩკომ, რომელიც თავადაც იარაღით ხელში იცავს კიევს, აღნიშნა, რომ „სამხედროები, სამართალდამცველები და ტერიტორიული თავდაცვის“ წარმომადგენლები განაგრძობენ „დივერსანტების გამოვლენას და ნეიტრალიზებას“.

კიევში კომენდანტის საათი ორშაბათამდეა გამოცხადებული და ხელისუფლების მიერ გაცემულია გაფრთხილება, რომ მოქალაქეები შინ დარჩნენ, ხოლო ვინც კომენდანტის საათის დროს გარეთ იქნება, „მტრის დივერსიული ჯგუფების წევრებად ჩაითვლებიან“.

BBC-ის ცნობით, კლიჩკომ კვირას, „ტელეგრამის“ არხზე თქვა, რომ რუსეთის თავდასხმიდან დაწყებული 9 მშვიდობიანი მოქალაქეა „დაკარგული ან მოკლული“ კიევში, მათ შორის ერთი ბავშვი.