უკრაინის საგანგებო სამსახურის განცხადებით, რუსეთის თავდასხმის შედეგად, ამ დრომდე 2 000-ზე მეტი მშვიდობიანი მოქალაქეა დაღუპული. „ყოველ საათში ბავშვები, ქალები და ჩვენი თავდაცვის ძალები კარგავენ სიცოცხლეს“, - აცხადებენ საგანგებო სამსახურში.

„ომის დაწყებიდან 7 დღის განმავლობაში, რუსეთმა გაანადგურა ასეულობით სატრანსპორტო ცენტრი, საცხოვრებელი შენობა, საავადმყოფო და საბავშვო ბაღი“, - ნათქვამია უკრაინის ოფიციალურ განცხადებაში.

ამავდროულად, გაეროს ცნობით, მშვიდობიანი მოსახლეობის მხრივ დაღუპულთა რაოდენობა გაცილებით დაბალია, ვიდრე „2 000-ზე მეტი“, თუმცა აღნიშნავს, რომ გარდაცვლილთა საერთო რაოდენობა, რომელშიც მშვიდობიან მოქალაქეებთან ერთად სამხედროებიც შედიან, სავარაუდოდ, ბევრად მეტი იქნება.

გაეროს ადამიანის უფლებათა უმაღლესმა კომისიამ სამშაბათს განაცხადა, რომ უკრაინაში 500-ზე მეტი მშვიდობიანი მოქალაქე დაიღუპა, მათ შორის სულ მცირე 136 მშვიდობიანი მოქალაქეა მოკლული და დაშავებულია 400.