გარდაიცვალა თსუ წარმომადგენლობითი საბჭოს წევრი, ზუსტ და საბუნებისმეტყველო მეცნიერებათა ფაკულტეტის გეოლოგიის დეპარტამენტის ხელმძღვანელი, მინერალოგია-პეტროლოგიისა და სასარგებლო წიაღირსეულის კათედრის გამგე, პროფესორი ბეჟან თუთბერიძე.
მისი სამეცნიერო მოღვაწეობის სფერო იყო – მინერალოგია, პეტროლოგია, ვულკანოლოგია, გეოქიმია, მაგმური ქანების ფიზიკურ–ქიმიური პეტროლოგია.
დიდი კომპეტენციის სპეციალისტმა და მაღალი კვალიფიკაციის მქონე პროფესორმა ბეჟან თუთბერიძემ უნივერსიტეტში მრავალწლიანი მოღვაწეობის განმავლობაში სტუდენტთა მრავალი თაობა აღზარდა.
იგი იყო 80-მდე სამეცნიერო ნაშრომის, მათ შორის ორი მონოგრაფიისა და ერთი სახელმძღვანელოს ავტორი.
ინფორმაციას თბილისის სახელმწიფო უნივერსიტეტი ავრცელებს და მწუხარებას გამოთქვამს ბეჟან თუთბერიძის გარდაცვალების გამო, თანაუგრძნობს ოჯახს, ახლობლებს, კოლეგებს, სტუდენტებსა და სამეცნიერო საზოგადოებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.