GUARDIAN.GE - უკრაინის ყოფილი პრეზიდენტი ვიქტორ იანუკოვიჩი მოქმედ პრეზიდენტს, ვოლოდიმირ ზელენსკის მიმართავს და მოუწოდებს ნებისმიერ ფასად შეაჩეროს სისხლისღვრა.

„კარგად მესმის, რომ ბევრი „მრჩეველი“ გყავთ, მაგრამ პირადად თქვენ ხართ ვალდებული ნებისმიერ ფასად შეაჩეროთ სისხლისღვრა და მიაღწიოთ სამშვიდობო შეთანხმებას. ამას ელოდებიან თქვენგან უკრაინაში, დონბასსა და რუსეთში“, - ნათვქამია მიმართვის ტექსტში, რომელსაც რუსული სახელმწიფო საინფორმაციო სააგენტო „რია ნოვოსტი“ ავრცელებს.

„მინდა მივმართო ვოლოდიმირ ზელენსკის პრეზიდენტურად, გნებავთ მამაშვილურად. ვლადიმერ ალექსანდრეს ძევ, თქვენ, ალბათ ოცნებობთ იქცეთ თანამედროვე გმირად. მაგრამ ჰეროიზმი არ არის საჩვენებელი, ეს არ ნიშნავს, რომ იბრძოლო ბოლო უკრაინელამდე. ის თვითშეწირვაა საკუთარი სიამაყისა და ამბიციების გამარჯვებაზე - ადამიანების სიცოცხლის შესანარჩუნებლად“, - აცხადებს იანუკოვიჩი.

იგი აღნიშნავს, რომ ტკივილით იღებს იმას, რაც მის სამშობლოში ხდება და ღრმად უთანაგრძნობს უკრაინელებს ამ ტანჯვასა და განცდაში. იანუკოვიჩი მიიჩნევს, რომ „ნებისმიერ ტრაგედიაში არის მომენტი, როცა ჯერ კიდევ არის მისი შეჩერების შესაძლებლობა“.

„თქვენი პირველივე დღიდან, პირობა დადეთ, რომ შეაჩერებდით ომს უკრაინაში, და მხოლოდ ამიტომ მთელმა უკრაინამ დაგიჭირათ მხარი. თქვენ შეგეძლოთ გამხდარიყავით მსოფლიო პრეზიდენტი, მაგრამ, სამწუხაროდ, ეს არ მოხდა“, - აცხადებს იანუკოვიჩი.

71 წლის ვიქტორ იანუკოვიჩი უკრაინის პრეზიდენტი 2010 წელს გახდა და ქვეყანას 2014 წლის 22 თებერვლამდე მართავდა, ვიდრე უკრაინის რევოლუციის შედეგად პოსტიდან იძულებით წასვლა და ქვეყნიდან გაქცევა მოუწევდა. მას თავშესაფარი მოსკოვმა მისცა. 1997-2002 წლებში იგი დონეცკის ოლქის გუბერნატორი იყო.