უფრო ანტიეროვნული ძალა საქართველოს არ ჰყოლია, ვიდრე გადაგვარებული „ნაცები“, - ამის შესახებ ექსპერტმა პეტრე მამრაძემ ტელეკომპანია „იმედის“ ეთერში განაცხადა.

„მითქვამს არაერთხელ, უფრო ანტიეროვნული ძალა საქართველოს არ ჰყოლია, ვიდრე გადაგვარებული „ნაცები“, მთლად პირველივე დღიდან ასეთები არ იყვნენ, ბევრი მათგანი, ყოველ შემთხვევაში, მაგრამ თანდათან და თანდათან... თან ხომ ყველა ძალიან მდიდარია საქართველოს მასშტაბით რომ ავიღოთ, ყველა, მათ შორის ვერ ნახავთ აი, საშუალო შეძლების ადამიანს თუნდაც. ეს არიან ძალიან მდიდარი, ჩვენი სტანდარტებით, ადამიანები. მათ არ აქვთ ისეთი იახტები, როგორც სააკაშვილს, რომლის იახტაც, უნდა ითქვას, შეფასდა სულ 15 მილიონ დოლარად, როცა საბერძნეთის წყლებში დააკავეს სააკაშვილი მაშინ, 48 საათით და სავსე იყო შესაბამისი ქალბატონებით ეს იახტა. ამასაც ხომ დიდი თანხა უნდა, იახტის ცურვას და რაღაცა. მასშტაბი შეადარეთ, საქართველოსთვის 15 მილიონ დოლარიანი იახტა ალბათ, არავის აქვს“, - თქვა პეტრე მამრაძემ.