GUARDIAN.GE - რუსეთის პრეზიდენტმა ვლადიმერ პუტინმა მხარი დაუჭირა იდეას, დაწესდეს გარედან მმართველობა იმ კომპანიებზე, რომლებმაც რუსული ბაზრიდან გასვლის შესახებ გამოაცხადეს.
როგორც ონლაინ ფორმატში გამართულ მთავრობის სხდომაზე პრემიერ-მინისტრმა მიხეილ მიშუსტინმა განაცხადა, მთავრობა ფრთხილად ადევნებს თვალყურს სიტუაციას, ახლა უცხოური კომპანიების უმრავლესობა აცხადებს მუშაობის დროებით შეჩერებას, სამუშაო ადგილებისა და ხელფასების შენარჩუნებით.
მიშუსტინის თქმით, ხელისუფლებას მომზადებული აქვს კანონპროექტი, რაც წარმოებას დახურვისაგან დაიცავს.
„თუკი უცხოელი მფლობელები დაუსაბუთებლად დახურავენ კომპანიას, მაშინ ასეთი შემთხვევებისთვის მთავრობა უშვებს გარე ადმინისტრაციის შემოღებას. მფლობელის გადაწყვეტილებიდან გამომდინარე, ის გასაზღვრავს საწარმოს მომავალ ბედს. მთავარი ამოცანა იქნება ორგანიზაციის საქმიანობის პროფილისა და სამუშაო ადგილების შენარჩუნება“, - აღნიშნა მიშუსტინმა.
როგორც პუტინმა ამ წინადადების საპასუხოდ აღნიშნა, რუსეთი არავისთვის არ იკეტება და მზად არის ყველა უცხოელ პარტნიორთან სამუშაოდ.
„უფლებები იმ უცხოელი ინვესტორების და კოლეგებისა, რომლებიც რჩებიან რუსეთში და მუშაობენ რუსეთში, საიმედოდ უნდა იყოს დაცული. და მე ვთხოვ მთავრობას არ გამორჩეს ეს მხედველობიდან. ისინი კი, ვინც თავიანთი წარმოების დახურვას გეგმავენ - აქ გადამწყვეტად უნდა ვიმოქმედოთ... მაშინ, როგორც მთავრობის თავმჯდომარემ შემოგვთავაზა, საჭიროა შემოვიღოთ გარე მმართველობა და გადავცეთ შემდეგ ეს წარმოებები მათ, ვისაც მუშაობა უნდა“, - განაცხადა პუტინმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.