GUARDIAN.GE - დიდი ბრიტანეთის ყოფილი პრემიერ-მინისტრი გორდონ ბრაუნი აცხადებს, რომ ვლადიმერ პუტინი უკრაინაში მისი ქმედებები გამო საერთაშორისო ტრიბუნალის წინაშე უნდა წარსდგეს.

„ლეიბორისტული პარტიის“ ლიდერი და დიდი ბრიტანეთის პრემიერ-მინისტრი 2007-2010 წლებში, გორდონ ბრაუნი, 140 აკადემიკოსს, იურისტს და პოლიტიკოსს შორისაა, რომლებიც ხელს აწერენ პეტიციას, რომელიც მოუწოდებს იმგვარი ლეგალური სისტემის შექმნისაკენ, როგორც ეს მეორე მსოფლიო ომის შემდეგ ნაცისტი კრიმინალების გასასამრთლებლად შეიქმნა. (საერთაშორისო სამხედრო ტრიბუნალი შეიქმნა სსრკ-ის, აშშ-ის, დიდი ბრიტანეთისა და საფრანგეთის შეთანხმებით ლონდონში, 1945 წლის 8 აგვისტოს. სამართალში მიცემული იყო გერმანიაში ჰიტლერის მმართველობის პერიოდის 24 ხელმძღვანელი პირი. ნიურნბერგის პროცესი მიმდინარეობდა 1945 წლის 20 ნოემბრიდან 1946 წლის 1 ოქტომბრამდე).

საერთაშორისო სისხლის სამართლის სასამართლო (ICC) უკვე იძიებს რუსეთის ლიდერის, ვლადიმერ პუტინის მიერ ჩადენილ სავარაუდო სამხედრო დანაშაულებებს, მაგრამ ზოგიერთი ამბობს, რომ ICC-ის უფლებამოსილებები შეზღუდულია.

Daily Mail-ში, ბრაუნი წერს, რომ ტრიბუნალის შექმნა საერთაშორისო სამართალში იმ ხარვეზს შეავსებს, რომელიც პუტინმა შესაძლოა, სასამართლოსთვის თავის ასარიდებლად გამოიყენოს.