GUARDIAN.GE - რუსეთი უკრაინას ქალაქ ბელგოროდის ნავთობის ბაზაზე თავდასხმაში ადანაშაულებს. ბელგოროდის რეგიონის გუბერნატორის, ვიაჩესლავ გლადკოვის განცხადებით, ნავთობბაზაზე თავდასხმა ორმა უკრაინულმა ვერტმფრენმა განახორციელა. რაიმე აფეთქებაზე უკრაინას პასუხისმგებლობა არ აუღია.
გუბერნატორი „ტელეგრამის“ არხზე წერს, რომ პარასკევ დილით, ნავთობბაზაზე ხანძრის გაჩენის მიზეზი ორი უკრაინული ვერტმფრენის მიერ განხორციელებული საჰაერო დარტყმა გახდა.
„ნავთობბაზაზე ხანძარი უკრაინის შეიარაღებული ძალების ორი ვერტმფრენის მიერ განხორციელებული ავიადარტყმის შედეგად გაჩნდა. ვერტმფრენები რუსეთის ტერიტორიაზე დაბალ სიმაღლეზე შემოვიდნენ. მსხვერპლი არ არის“, - დაწერა რეგიონის გუბერნატორმა „ტელეგრამზე“.
გლადკოვი წერს, რომ ინციდენტის შედეგად ორმა ადამიანმა მიიღო დაზიანება, მაგრამ ის სიცოცხლისთვის შეუთავსებელი არ არის. ახლომდებარე ქუჩებიდან მოსახლეობის ევაკუაცია განხორციელდა და ცეცხლს მეხანძრეები აქრობენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.