GUARDIAN.GE - მე პირადად არ მწამს ამ ოპოზიციის, რომ ამათგან რამე გამოვა, შესაბამისად, ჩვენ აქცენტი აღებული გვაქვს საერთაშორისო მუშაობაზე - იმაზე, რომ რაც შეიძლება მალე განხორციელდეს სანქციები, ბიძინა ივანიშვილს ჩამოერთვას ის მილიარდიანი ქონება, რის შემდეგაც რეჟიმი ავტომატურად ჩამოემხობა და მივიღებთ ახალ არჩევნებს, - ამის შესახებ „ლეიბორისტული პარტიის“ თავმჯდომარემ შალვა ნათელაშვილმა „ტვ პირველის“ პირდაპირ ეთერში განაცხადა.

მისი შეფასებით, საქართველოში პოლიტიკური მდგომარეობის შეცვლის „ერთადერთი იმედი ის არის, რომ შეერთებულმა შტატებმა და ბრიუსელმა ბიძინა ივანიშვილს სანქციები დაადონ“.

„ერთადერთი ოლიგარქია რუსი, რომელიც სანქციების გარეშე გადარჩა, ვირთხასავით არის ახლა შემალული სოროში, არც გამოსულა, განცხადებაც არ გაუკეთებია, რომ დაეგმო სისხლისღვრა უკრაინაში - ბუჩაში, კრემატორსკში, ხერსონში, დონეცკში, ლუგანსკში, განცხადებაც არ გაუკეთებია, კაცს ქვეყანა აქვს ჩაბარებული, ზეკერპად არის აღიარებული, არავის საქართველო ასე ხელში არ ჩაუგდია, არ დაუჩმორებია, არ გაუკონტროლებია ხალხიც, სახელმწიფოც, ხელისუფლების ყველა სისტემა, რაც შეძლო აი, ამ სამარცხვინო ჭორვილიდან ჩამოგორებულმა ვირთხამ - არავის საქართველოს ისტორიაში. და არც გამოდის, რომ განცხადება გააკეთოს და დაგმოს ეს ომი, იმიტომ რომ თავისი უფროსი პუტინი მიახრჩობს და დაალევინებს პოლონიუმს“, - განაცხადა შალვა ნათელაშვილმა.