40 მოსწავლეზე გათვლილ სკოლას რეაბილიტაცია საერთაშორისო სტანდარტების შესაბამისად ჩაუტარდა. პროექტის ფარგელში მოეწყო საკლასო ოთახები, საპირფარეშოები, სპორტული მოედნები და ეზოს ტერიტორია. დამონტაჟდა გათბობის, წყალსადენის და კანალიზაციის სისტემები.

„440 ბავშვზე გათვლილი სოფელ კუმისის სკოლა სრულად რეაბილიტირდა. სკოლა ადაპტირდა სპეციალური საჭიროებების ბავშვებისთვის, დაემატა ახალი, სპორტული დარბაზი. შენობა აღიჭურვა გათბობის, ხანძარქრობის და სხვა აუცილებელი საინჟინრო სისტემებით. მოეწყო ლაბორატორიის სივრცე, კომპიუტერების ოთახი, გარე სტადიონი და ყველა ის ინფრასტრუქტურა, რაც აუცილებელია მოსწავლეთათვის განათლების მისაღებად ღირსეული პირობებისთვის. ეს არის კიდევ ერთი სკოლა, რომელიც ზაფხულში მზად იქნება და, შესაბამისი აღჭურვის შემდეგ, შეძლებს მოსწავლეების მიღებას“,- განაცხადა საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ ქვემო ქართლში მიმდინარე პროექტების მონახულებისას.

პროექტი რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა საქართველოს მთავრობის დაფინანსებიტ განახორციელბა, პრეოქტის ღირებულება 2,8 მილიონი ლარია.

ინფრასტრუქტურის მინისტრმა საქართველოს პრემიერ-მინისტრის მიერ ინიცირებული ახალი პროგრამის „მშენებლობა განვადებით“ შესახებაც ისაუბრა და აღნიშნა, რომ ახალი პროგრამის ერთ-ერი ყველაზე მნიშვნელოვანი მიმართულება სკოლების რეაბილიტაცია-მშენებლობა იქნება. პროგრამის ფარგლებში, 800 სკოლის რეაბილიტაცია-მშენებლობის 1 მილიარდი ლარის სამუშაოები შესრულდება.