უკრაინის შინაგან საქმეთა მინისტრმა ვიტალი ზახარჩენკომ ძალოვანებისთვის საბრძოლო იარაღის გაცემის ბრძანებას ხელი მოაწერა. აღნიშნულ ინფორმაციას უკრაინული მედია ავრცელებს.
როგორც ზახარჩენკოს განცხადებაში აღნიშნული, ძალოვანები იარაღს გამოიყენებენ, რათა მოქალაქეები თავდასხმებისგან დაიცვან და ტყვეები გაათავისუფლონ. ასევე, უკრაინის შინაგან საქმეთა მინისტრის თქმით, საბრძოლო იარაღს ძალოვანები დაცულ ობიექტებზე, საცხოვრებელ სახლებზე, სახელმწიფო და საზოგადოებრივი შენობების თავდასხმებისგან დასაცავად და ძალოვანთა დაკავების მცდელობის შემთხვევაში გამოიყენებენ.
"მილიცია ეს აღმასრულებელი ხელისუფლების შეიარაღებული ორგანოა და კანონი გვაძლევს ძალის, სპეცსაშუალებებისა და იარაღის გამოყენების ნებას", - ნათქვამია უკრაინის შინაგან საქმეთა მინისტრის მიერ გავრცელებულ განცხადებაში.
უკრაინულ მედიაში გავრცელებული სხვადასხვა ინფორმაციით, უკრაინაში დღეს 20-ზე მეტი ადამიანი დაიღუპა და სამდღიანი ძალადობრივი შეტაკებების შედეგად დაღუპულთა რიცხვმა 50-ს გადააჭარბა. ამასთან, CNN-ი ავრცელებს ინფორმაციას 100 დაღუპულისა და 500-ზე მეტი დაჭრილის თაობაზე.
ამ დროისთვის ევრომაიდანზე შედარებით მშვიდი ვითარებაა. გავრცელებული ინფორმაციით, ევრომაიდნის აქტივისტებმა ტერიტორიის დასუფთავება დაიწყეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.