„მშვიდობის დროს საქართველოს ხელისუფლება ოსტატურად ახერხებდა ერთობლივად 2 ნავში ჯდომას- უსრულებდა ყველა კაპრიზს რუსეთსაც და დასავლეთსაც,ამითი კი უზრუნველყოფდა საკუთარ უსაფრთხოებას და ხელისუფლებაში ყოფნას. დღეს ცხადად დადასტურდა,რომ ეს ასე ვერ და არ გაგრძელდება ,რადგან ევროპაში მშვიდობა აღარაა და ომია“, - ამის შესახებ „ფეისბუქში“ „ქართული მარშის“ ერთ-ერთი ლიდერი სანდრო ბრეგაძე წერს.

ბრეგაძის შეფასებით, ბიძინა ივანიშვილისთვის ფინანსური გადარიცხვების შეფერხებამ და შესაძლო დაბლოკვამ ნათლად აჩვენა, რომ დასავლეთი უკვე დღეს ითხოვს მკაფიო პოზიციას საქართველოს ხელისუფლებისგან და რუსეთისთვის დაწესებულ სანქციებზე საქართველოს შეერთებას.

„არაერთხელ განვაცხადე და გავაფრთხილე ხელისუფლება,რომ სირაქლემას პოზიციაში ყოფნა დიდხანს ვერ გაგრძელდებოდა და მათ ადრე თუ გვიან აუცილებლად მოთხოვდნენ მკაფიო პოზიციის დაფიქსირებას - ეფექტურ ქმედებებს უკრაინაში მიმდინარე პროცესთან დაკავშურებით.

და აი დადგა ეს მომენტიც - ბიძინა ივანიშვილისთვის ფინანსური გადარიცხვების შეფერხებამ და შესაძლო დაბლოკვამ ნათლად აჩვენა, რომ დასავლეთი უკვე დღეს ითხოვს მკაფიო პოზიციას საქართველოს ხელისუფლებისგან და რუსეთისთვის დაწესებულ სანქციებზე საქართველოს შეერთებას.

ცალსახად გამოჩნდა,რომ თუ საქართველო არ შეუერთდება რუსეთისთვის დაწესებულ სანქციებს,მაშინ დასავლეთი დაუწესებს სანქციებს საქართველოს ხელისუფლებას,გაუყინავს ანგარიშებს და ასე შემდეგ.

პროცესი მალე კულმინაციას მიაღწევს - ახლა ჯერი მხოლოდ საქართველოს ხელისუფლებაზეა თუ რა გზას აირჩევს ის.

ამ არჩევანზე არის დამოკიდებული საქართველოს ბედი და უახლოესი მომავალი“, - აცხადებს სანდრო ბრეგაძე.