ოთხშაბათს, 18 მაისს, ნატოს გენერალური მდივანი იენს სტოლტენბერგი საქართველოს პრემიერ-მინისტრს, ირაკლი ღარიბაშვილს მიიღებს. ინფორმაცია ნატოს ვებგვერდზე გამოქვეყნდა.
როგორც ინფორმაციაშია აღნიშნული, შეხვედრაზე მედია არ იქნება წარმოდგენილი. ფოტომასალა, რომელსაც ნატოს ფოტოგრაფები გადაიღებენ, შეხვედრის დასრულების შემდეგ, ნატოს ვებგვერდზე გამოქვეყნდება.
მანამდე, ნატოს ვებგვერდზევე ეწერა, რომ ბრიუსელში, ნატოს გენერალური მდივნის, იენს სტოლტენბერგის შეხვედრა საქართველოს პრემიერ-მინისტრ ირაკლი ღარიბაშვილთან, რომელიც 18 მაისს იყო დაგეგმილი, გაუქმდა.
შეხვედრის გაუქმების მიზეზი არ დასახელებულა.
დღეს დილით, იენს სტოლტენბერგს ფინეთისა და შვედეთის ელჩები შეხვდნენ, რომელთაც მას თავიანთი ქვეყნების ნატოში გაწევრიანების ოფიცილაური წერილები გადასცეს. ნატოს ვებგვერდზე აღნიშნული შეხვედრის ამსახველი ვიდეოც გავრცელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.