საქართველოს პრემიერ-მინისტრი ირაკლი ღარიბაშვილი, დავოსში ვიზიტის ფარგლებში ლიეტუვის პრეზიდენტ გიტანას ნაუსედას შეხვდა.
მხარეებმა ორ ქვეყანას შორის არსებულ მჭიდრო პარტნიორულ და მეგობრულ ურთიერთობებსა და არსებული პარტნიორობის კიდევ უფრო გაღრმავების პერსპექტივებზე ისაუბრეს. აღინიშნა, რომ საქართველოსა და ლიეტუვას პარტნიორობა საერთო ღირებულებებსა და პრინციპებს ეფუძნება და ლიეტუვა საქართველოს ერთ-ერთი ყველაზე აქტიური მხარდამჭერია.
პრემიერ-მინისტრმა ევროკავშირის წევრობაზე საქართველოს განაცხადის წარდგენის მნიშვნელობაზე ისაუბრა და აღნიშნა, რომ ევროინტეგრაციის პროცესში საქართველოს პარტნიორების მტკიცე მხარდაჭერის იმედი აქვს. საუბარი ასევე შეეხო საქართველოს ნატო-ში ინტეგრაციას და ხაზი გაესვა ამ პროცესში პარტნიორების მხარდაჭერის მნიშვნელობას.
მთავრობის მეთაურმა ლიეტუვის პრეზიდენტს მადლობა გადაუხადა საქართველოს სუვერენიტეტის, ტერიტორიული მთლიანობისა და ევროპული მომავლის მუდმივი მხარდაჭერისთვის.
მხარეებმა ორ ქვეყანას შორის არსებული ეკონომიკური თანამშრომლობის კიდევ უფრო გაღრმავების პერსპექტივები მიმოიხილეს.
ირაკლი ღარიბაშვილმა და გიტანას ნაუსედამ ასევე ისაუბრეს უკრაინაში მიმდინარე საომარ მოქმედებებზე და რეგიონში არსებულ უსაფრთხოების გარემოზე ინფორმაცია გაცვალეს. პრემიერ-მინისტრმა კიდევ ერთხელ დაადასტურა უკრაინელი ხალხის მიმართ სოლიდარობა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.