დღეს ნინოწმინდის მუნიციპალიტეტის საკრებულოს სხდომათა დარბაზში მორიგი სხდომა გაიმართა, რომელსაც საკრებულოს თავმჯდომარე ვაან აროიანი უძღვებოდა.

სხდომას საკრებულოს წევრებთან ერთად ნინოწმინდის მუნიციპალიტეტის მერის პირველი მოადგილე ალექსანდრე მიქელაძე, მერიის საფინანსო-საბიუჯეტო სამსახურის უფროსი სამველ არზუმანიანი, ბავშვის უფლებების დაცვისა და მხარდაჯერის განყოფილების უფროსი ედგარ სტამბოლციანი და სხვა წარმომადგენლები ესწრებოდნენ.

განსახილველი იყო ოთხი საკითხი:

1. ნინოწმინდის მუნიციპალიტეტის 2022 წლის ბიუჯეტის 3 (სამი) თვის შესრულების ანგარიშის მოსმენისა და შეფასების შესახებ;

2. ნინოწმინდის მუნიციპალიტეტის 2022 წლის ბიუჯეტში ცვლილების შეტანის შესახებ;

3. ნინოწმინდის მუნიციპალიტეტის მერიის თანამდებობის პირთა, პროფესიულ საჯარო მოხელეთა რანგირების, საშტატო ნუსხის დამტკიცების და თანამდებობრივი სარგოს ოდენობის განსაზღვრის შესახებ;

4. სახელმწიფო აუდიტის სამსახურის მიერ 2022 წელს დამტკიცებულ მუნიციპალიტეტებში განხორციელებული ინფრასტრუქტურული პროექტების საზედამხედველო საქმიანობის შესაბამისობის აუდიტისა და მუნიციპალიტეტების მიერ დაფუძნებული რეგიონული განვითარების ასოციაციების საქმიანობის ეფექტიანობის აუდიტის ანგარიშების ცნობად მიღების თაობაზე.

დღის წესრიგის საკითხები ხმათა უმრავლესობით დამტკიცდა.

ინფორმაციას ნინოწმინდის მუნიციპალიტეტის საკრებულო ავრცელებს.