ნინოწმინდის მუნიციპალიტეტის განათლების, კულტურის, სპორტის, ახალგაზრდულ საქმეთა სამსახურის გენდერულმა განყოფილებამ მოაწყო თხზულების კონკურსი თემაზე: „საქართველო ჩემი სამშობლოა“ და „მშვიდობა ჩემი თვალით“.

საქართველოს დამოუკიდებლობის დღისადმი მიძღვნილი კონკურსი ორ ეტაპად გაიმართა.

პირველი ეტაპი საჯარო სკოლებში გაიმართა და მუნიციპალიტეტის მერიის ჟიურის წევრებს შესაფასებლად 100-ზე მეტი საუკეთესო ნამუშევარი წარუდგინეს.

პირველი ეტაპი 27 მოსწავლემ გაიარა.

მეორე ტურის კონკურსანტების წერილობითი ნამუშევრის თემა იყო „მშვიდობა ჩემი თვალით“, რომელიც მერიაში გაიმართა.

კონკურსის ყველა მონაწილეს გადაეცა სერტიფიკატი, ხოლო მეორე ტურის 10 გამარჯვებული დაჯილდოვდება სუვენირებით.

მუნიციპალიტეტმა მათთვის 2-დღიანი ექსკურსია საქართველოს ღირსშესანიშნაობების გასაცნობად მოაწყო.

კონკურსში მონაწილეებსა და გამარჯვებულებს სერტიფიკატები ნინოწმინდის მერის მოადგილემ არმენ ბდოიანმა გადასცა.

ღონისძიებას საკრებულოს განათლების, კულტურის, სპორტის, ახალგაზრდობის საქმეთა კომისიის თავმჯდომარე სედა დარბინიანი, ადგილობრივი თვითმმართველობის ორგანოების, საჯარო სკოლების წარმომადგენლები და მშობლები ესწრებოდნენ.

ნინოწმინდის მუნიციპალიტეტის განათლების, კულტურის, სპორტის, ახალგაზრდულ საქმეთა სამსახურის უფროსმა ლეონ ვარდანიანმა ყველა მონაწილეს, გამარჯვებულ ნიჭიერ ბავშვებს წარმატება მიულოცა და საჯარო სკოლების დირექტორებს თანამშრომლობისთვის მადლობა გადაუხადა.

ინფორმაციას ნინოწმინდის მუნიციპალიტეტის მერია ავრცელებს.