"ამერიკის შეერთებული შტატები სირიაში „ისლამური სახელმწიფოს“ წინააღმდეგ, რუსეთთან კოორდინირებულად არ მოქმედებს, თუმცა, მომავალში ასეთ შესაძლებლობას არ გამორიცხავს" - ამის შესახებ ამერიკის სახელმწიფო დეპარტამენტის პრესსპიკერმა, ჯონ კირბიმ განცხადა.

„ჩვენ არ ვთანამშრომლობთ რუსეთთნ „ისლამური სახელმწიფოს“ წინააღმდეგ სამხედრო ბრძოლაში, მაგრამ პრეზიდენტი ობამა და სახელმწიფო მდივანმა ჯონ ქერი მომავალში ასეთ თანამშრომლობას არ გამორიცხავენ“ - განაცხადა კირბიმ და დასძინა, რომ ასეთი თანამშრომლობა მხოლოდ იმ შემთხვევაში შეიძლება განხორციელდეს, თუკი, რუსეთი რეალურად „ისლამური სახელმწიფოს“ და არა სირიის ოპოზიციის წინააღმდეგ იბრძოლებს.

მისი თქმით, ბოლო დღეების განმავლობაში, რუსეთმა სირიის ქალაქი რაქა დაბომბდა, სადაც „ისლამური სახელმწიფოს“ ძალები არიან კონცეტრირებულები, თუმცა, ეს რუსეთის სტრატეგიის შესახებ კონკრეტული დასკვნის გაკეთების საშუალებას არ იძლევა. ჯონ კირბიმ ხაზგასმით აღნიშნა, რომ სირიაში ფრთოსანი რაკეტების გამოყენების შესახებ ოფიციალურმა მოსკოვმა ვაშინგტონს წინასწარ აცნობა, თუმცა, ეს კოორდინირებულ მოქმედებებს არ გულისხმობს.