„ვალდებულების გრძნობა იყო, პირველ რიგში და ეს [სამების ტაძრის მშენებლობისთვის თანხის გაღება] იყო მხოლოდ ვალდებულება ჩემი. მე ვფიქრობ, რომ თქვენ არანაკლებად გიყვართ თქვენი სამშობლო და ყველას, როგორც შეგვიძლია, ისე უნდა გავაკეთოთ. მე მხედველობაში მაქვს... მახსოვს, რამდენჯერმე ჩამოვიდნენ ჟურნალისტები ჭორვილაში და დედაჩემს არ ასვენებდნენ - გინდა თუ არა, სამება ააშენა, სამება ააშენა - და მე  მაშინ არ ვჩანდი საერთოდ და მერე მე დაცვის ფორმით გამოვედი მე გადაცმული, დაცვა ვერ პასუხობდა, და ვუთხარი, არ გრცხვენიათ-მეთქი, მაგას რომ საუბრობთ-თქო. სამებაში სამი წიგნია გამოცემული, ვინც დაეხმარა სამების მშენებლობაში. ზოგს 1 ლარი აქვს შემონაწირი-მეთქი, ვეუბნები, 3 ლარი, 5 ლარი. 1 ლარი ვინც შემოწირა, ხალხმა, იმას არანაკლები მადლი გაუღია, ვიდრე ივანიშვილს-მეთქი და რომ მოდიხართ და ამბობთ, რომ ივანიშვილმა ააშენა სამება, არ გრცხვენიათ-მეთქი? წადით ახლა აქედან-თქო და ეს გაიგეს. მე შეიძლება შევძელი და ლომის წილი შევიტანე სამების მშენებლობაში, მაგრამ ის 1 ლარი ვინც დადო და შეიძლება იმ დღეს პური არ იყიდა, იმას არანაკლები წვლილი აქვს შეტანილი და არანაკლები მადლი გაუღია. ასევეა ქვეყნის შემთხვევაშიც. მე შევძელი და უფრო დიდი ასაწევი ავწიე, ასე ვთქვათ და ვალდებულებაც მეტი მქონდა“, - ამბობს ბიძინა ივანიშვილი „ქართული ოცნების“ ხელისუფლებაში მოსვლის შემდეგ, ერთ-ერთ შეხვედრაზე.