სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი, სკოლის წარმომადგენლებთან ერთად, ნინოწმინდის მუნიციპალიტეტის მერს - ანივარდ მოსოიანს შეხვდა.

შეხვედრის ფარგლებში განიხილეს ზურაბ ჟვანიას სახელობის სახელმწიფო ადმინისტრირების სკოლის მთავარი მიმართულების სასწავლო და პრაქტიკული პროგრამების განხორციელების გზით ქვეყნის სახელმწიფო და ადგილობრივი თვითმმართველობის სფეროში არსებული საკადრო დეფიციტის დაძლევის და მაღალმთიან და ეროვნული უმცირესობებით კომპაქტურად დასახლებულ რეგიონებში მცხოვრებ მოქალაქეთა ერთიან სახელმწიფოებრივ სივრცეში ინტეგრაციის ხელშეწყობას.

ასევე სახელმწიფო და ადგილობრივი თვითმმართველობის ორგანოებში დასაქმებულ პირთა კვალიფიკაციისა და პროფესიონალიზმის დონის ამაღლების უზრუნველყოფა და მაღალმთიან და ეროვნული უმცირესობებით კომპაქტურად დასახლებულ რეგიონებში მცხოვრებ მოქალაქეთა მიერ სახელმწიფო ენის ფლობის და სამოქალაქო განათლების დონის ამაღლებასთან დაკავსირებული საკითხები. ამასთან, ,,საჯარო მმართველობისა და ადმინისტრირების პროგრამა" და ,,სახელმწიფო ენის სწავლებისა და ინტეგრაციის პროგრამის .”ფარგლებში განიხილეს სკოლაში სწავლების ახალი, აკრედიტებული პროგრამების პერსპექტივებს.

,,ადგილობრივებისთვის ერთ-ერთი მთავარი გამოწვევა სახელმწიფო ენის სწავლებისა და ინტეგრაციის საკითხია. ამასთან, ჟვანიას სკოლა სახელმწიფო ენის სწავლებისა და ინტეგრაციის პროგრამის საშუალებით, ხელს უწყობს საქართველოს მოქალაქე ეთნიკური უმცირესობების ერთიან სახელმწიფოებრივ სივრცეში ინტეგრაციას” - განაცხადა მერმა ანივარდ მოსოიანმა.