ჩვენ, გარდა იმ რეფორმისა, რომელიც უკვე განვახორციელეთ და რამაც, რეალურად, ქვეყანა გარდაქმნა და წარმოაჩინა, როგორც სამაგალითო დემოკრატია, არა მხოლოდ რეგიონში, არამედ ბევრ ევროპულ ქვეყანას ვუსწრებთ წინ ჩვენი მიღწევებით, მაგრამ ასევე შეგახსენებთ, რომ რამდენიმე თვის წინ დავასრულეთ მუშაობა ბრიუსელთან, ევროკავშირთან, ასოცირების დღის წესრიგზე, სადაც, პრაქტიკულად, ყველა ის რეფორმა, რომელიც იყო, იგივე 19 აპრილის შეთანხმებაში, ძალიან ბევრი, დიდი ნაწილი გადმოსულია ამ დღის წესრიგში, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

პრემიერის თქმით, აღნიშნული რეფორმები და პროცესი გაგრძელდება.

„ეს კი არ ნიშნავს, რომ ყველაფერი დავასრულეთ, ეს ხომ პროცესია, რეალურად, ყველა სფეროში ასეა, ისე არ არის, რომ ადამიანმა რაღაც გააკეთა და გაჩერდეს. ეს არის ცოცხალი პროცესი და ამას ჩვენ, რა თქმა უნდა, იმის მიუხედავად, რა გადაწყვეტილება იქნება მიღებული, ამაზე მოგვიანებით შეფასებას გავაკეთებ, მაგრამ, რა თქმა უნდა, ჩვენს ხალხს, ჩვენს მოსახლეობას მინდა მივმართო, რომ ჩვენ მშვიდად, მტკიცედ უნდა გავაგრძელოთ ჩვენი ქვეყნის მშვიდობის შენარჩუნება, ჩვენი მოსახლეობის, ჩვენი ხალხის მშვიდობის, სტაბილურობის შენარჩუნება და ჩვენი ქვეყნის განვითარება, ეს არის მთავარი.

გახსოვთ, თუ არ ვცდები, 2007, თუ 2008 წელი იყო, მაშინ ძალიან დიდი აჟიოტაჟი და მოლოდინი გააჩინეს, რომ მაპის მონიჭებით თუ არ მონიჭებით რაღაც მოხდებოდა. არ მოგვანიჭეს მაპი, მაგრამ რა მოხდა? ქვეყანამ გააგრძელა ნატოში ინტეგრაცია, ჩვენ, ჩვენმა ხელისუფლებამ ისევ, შეგახსენებთ, გახსნა ნატოსთან ერთობლივი საწრთვნელი ცენტრი. მე გეუბნებით, რომ რეალობაში უნდა ვიყოთ. ჩვენ ვითხოვთ დამსახურებულ, სამართლიან დამოკიდებულებას“, - განაცხადა ირაკლი ღარიბაშვილმა.