"ევრაზიის თანამშრომლობის ფონდი" საზოგადოებრივი გამოკითხვის წინასწარ შედეგებს აქვეყნებს. ჩატარებული კვლევის ერთ-ერთი კითხვა შეეხება მოქალაქეთა დამოკიდებულებას სხვადასხვა პოლიტიკური პარტიის მიმართ.


კვლევის შედეგად, კითხვაზე - როგორია მათი დამოკიდებულება "ქართული ოცნება-დემოკრატიული საქართველოს" მიმართ, გამოკითხულთა 18 % აღნიშნავს, რომ დამოკიდებულება დადებითია, 36%-ის დამოკიდებულება ნეიტრალურია, ხოლო 33 % უარყოფითი.


"რესპუბლიკური პარტია" – დადებითი - 10%; ნეიტრალური - 38%; უარყოფითი - 34 %, ხოლო კოალიციაში შემავალი სხვა პოლიტიკური პარტიების მიმართ  დადებითი განწყობები 10 %-ს არ აღემატება.


გამოკითხულთა დამოკიდებულება "თავისუფალი დემოკრატებთან" დაკავშირებით ასეთია: დადებითი 19%; 39% პარტიის მიმართ ნეიტრალურად, ხოლო 26% უარყოფითადაა განწყობილი.


გამოკითხვის შედეგად ირკვევა, რომ "ერთიანი ნაციონალური მოძრაობის" მიმართ მოქალაქეების დამოკიდებულება შემდეგნაირად გადანაწილდა - დადებითი 19%; ნეიტრალური 31%; უარყოფითი 37%;


"პატრიოტთა ალიანსი" - დადებითი 13%; ნეიტრალური 30%; უარყოფითი 29%;


ევრაზიის თანამშრომლობის ფონდის ინფორმაციით, გამოკითხვის საფუძველზე მომზადებულ ანგარიშს ფონდი საზოგადოებას 25 ნოემბერს წარუდგენს.