ვლადიმერ გაბრიჩიძე მის კონკურენტს, მთავარი პროკურორობის კანდიდატად შერჩეულ ირაკლი შოთაძეს გამარჯვებას ულოცავს.
როგორც გაბრიჩიძემ საპროკურორო საბჭოს სხდომის დასრულების შემდეგ განაცხადა, ყველამ უნდა ისწავლოს ღირსეული დამარცხება და ღირსეული გამარჯვება.
"მე მინდა საქართველოს მთავარ პროკურატურას მივულოცო პირველი არჩეული მთავარი პროკურორი. ვინმეს მოსწონს თუ არა ან შედეგები ან ამ პროცესის მიმდინარეობა, ფაქტია, რომ არჩევნები შედგა. საპროკურორო საბჭომ მიიღო გადაწყვეტილება, რომ პროკურატურის წინაშე არსებულ ამოცანებს უფრო კარგად გადაწყვეტს ირაკლი შოთაძე. მე პატივს ვცემ ამ გადაწყვეტილებას და მინდა მივულოცო მას ეს გამარჯვება", - აღნიშნა გაბრიჩიძემ.
იუსტიციის მინისტრმა, თეა წულუკიანმა საპროკურორო საბჭოს მთავარი პროკურორობის კანდიდატებად ვლადიმერ გაბრიჩიძე, ნანა რევაზიშვილი და ირაკლი შოთაძე გუშინ წარუდგინა. დღეს საპროკურორო საბჭოს ფორმატში სამივე კანდიდადთან გასაუბრება მოხდა, რის შემდეგაც ფარული კენჭისყრის წესით არჩევნები გაიმართა. საპროკურორო საბჭოს 14 წევრიდან 13-მა მთავარი პროკურორობის კანდიდატად მხარი ირაკლი შოთაძეს დაუჭირა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.