აშშ–ს პრეზიდენტმა ბარაქ ობამამ ოთხშაბათს, აზია–წყნარი ოკეანის ეკონომიკური თანამშრომლობის (APEC) სამიტზე განაცხადა, რომ “ისლამური სახელმწიფოს“ დამარცხება უშულოდ დამოკიდებულია სირიაში პოლიტიკური შეთანხმების მიღწევაზე, რომლისთვისაც ბაშარ ალ ასადის გადადგომაა საჭირო. “სანამ ასადი ხილისუფლებაშია, სირიის სამოქალაქო ომი არ დამთავრდება”, – თქვა ობამამ.


სანამ ობამა ფილიპინებში გამართულ სამიტზე ხელისუფლებიდან ასადის, რაც შეიძლება მალე მოშორების საჭიროებაზე საუბრობდა, თვითონ ასადი, იტალიური ტელეარხის Rai 1-ისათვის მიცემულ ინტერვიუში აცხადებდა, რომ არ წავა ხელისუფლებიდან, სანამ ისლამისტი ტერორისტები არ დამარცხდებიან. ამის შესახებ თურქული გაზეთი “რადიკალი” იტყობინება.


ასადის თქმით, პარიზის ტერორისტული აქტების ორგანიზატორებმა და მონაწილეებმა სავარაუდოდ, სირიაში მიიღეს სამხედრო განათლება, მაგრამ ეს ტერორისტული ორგანიზაცია არა სირიაში, არამედ ერაყსა და ავღანეთში წარმოიშვა, რაშიც თავისი მნიშვნელოვანი როლი შეასრულა ასევე დასავლეთმა.


ასადმა აღნიშნა, რომ ტერორისტულ ორგანიზაციას, “ისლამურ სახელმწიფოს” წარმოშობისა და განვითარებისათვის სირიაში საკმარისი მასაზრდოებელი გარემო არ ჰქონდა და მხოლოდ თურქეთის, საუდის არაბეთის, ყატარის ძალისხმევისა და დასავლეთის სხვადასხვა სახის დახმარების შედეგადაა, რომ მივიღეთ ეს საშინელი ორგანიზაცია.


tvfree.ge