თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ორგანიზებით, დედაქალაქში ფესტივალი „თბილისის ცის ქვეშ“ მიმდინარეობს, რომლის ფარგლებშიც, საბავშვო–გასართობი, სპორტული და კულტურული აქტივობები იმართება.
დღეს, 17:00 საათიდან საბავშვო პროგრამის ფარგლებში, პატარებისთვის მოეწყობა მეზღაპრისა და ილუსტრატორთა კუთხეები, ასევე, თითების თეატრის წარმოდგენები. სპორტული ნაწილი დატვირთული იქნება გოლფის, მაგიდის ჩოგბურთის, ტექბოლისა და ვირტუალური (VR) სივრცეებით. 21:00 საათზე, ფესტივალის ფარგლებში, გაიმართება ზუკა ხუციშვილისა და ნოდარიკო ხუციშვილის ბენდების კონცერტი, საფესტივალო დღეს კი დიჯეი Salien დაასრულებს.
ფესტივალის მიზანია, ჯანსაღი ცხოვრების წესის დამკვიდრება ახალგაზრდებში, სპორტის განვითარება და მისი სხვადასხვა სახეობის პოპულარიზაცია, მოქალაქეებისთვის დასვენებისა და გართობისთვის საჭირო გარემოს შექმნა.
„თბილისის ცის ქვეშ“ ფარგლებში, დედაქალაქის უბნებში, მთელი ზაფხულის განმავლობაში, სხვადასხვა სახის კულტურული, სპორტული, საბავშვო და საგანმანათლებლო აქტივობა განხორციელდება. ღონისძიებები ივლისის ბოლომდე გაგრძელდება და მათზე დასწრება თავისუფალი იქნება.
მისამართი: მაიაკოვსკის პარკი (დიღმის მასივი);
დრო: 9 ივლისი, 17:00-23:00 საათი;
საკონტაქტო პირი: თამარ საგანელიძე - 593 61 66 70
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.