GUARDIAN.GE - რუსეთის ფედერაციის პრეზიდენტმა ვლადიმერ პუტინმა უკრაინის მთელ ტერიტორიაზე, მათ შორის კრემლის მიერ დამოუკიდებელ რესპუბლიკებად აღიარებულ ე.წ. დონეცკის და ლუგანსკის სახალხო რესპუბლიკების საზღვრებში მცხოვრებთათვის რუსეთის მოქალაქეობის მიღების წესი გაამარტივა.

„დადგინდეს, რომ უკრაინის, დონეცკის სახალხო რესპუბლიკის ან ლუგანსკის სახალხო რესპუბლიკის მოქალაქეებს და მოქალაქეობის არმქონე პირებს, რომლებიც მუდმივად ცხოვრობენ დონეცკის სახალხო რესპუბლიკის ან ლუგანსკის სახალხო რესპუბლიკის ან უკრაინის ტერიტორიაზე, უფლება აქვთ, განაცხადი გააკეთონ რუსეთის ფედერაციის მოქალაქეობის მისაღებად გამარტივებული წესით“, – ნათქვამია რუსეთის პრეზიდენტის განკარგულებაში, რომელიც შესაბამის ვებგვერდზე გამოქვეყნდა.