საქართველოს საგანგებო და სრულუფლებიანი ელჩი ამერიკის შეერთებულ შტატებში დავით ზალკალიანი კონგრესში საქართველოს მეგობართა ჯგუფის თანათავმჯდომარეს, კონგრესმენ ჯერი კონოლის შეხვდა. მხარეებმა ისაუბრეს რეგიონში შექმნილ კრიზისზე, რომელიც გამოწვეულია რუსეთის სამხედრო აგრესიით უკრაინის მიმართ.
ელჩმა კონგრესმენს დეტალური ინფორმაცია მიაწოდა საქართველოს მხრიდან უკრაინისადმი გაწეული დახმარებისა და მხარდაჭერის შესახებ. ელჩმა მადლობა გადაუხადა კონგრესმენს მისი მტკიცე მხარდაჭერისათვის საქართველოს მიმართ წლების მანძილზე და საქართველოს მხარდამჭერი აქტის ინიცირების, წარდგენისა და დამტკიცებისათვის წარმომადგენელთა პალატაში.
კონგრესმენმა კიდევ ერთხელ ხაზი გაუსვა, რომ საქართველო არის აშშ-ის ერთერთი მთავარი მოკავშირე და რომ ის მხარს უჭერს საქართველოს ევროკავშირსა და ნატო-ში გაწევრიანებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.