ივანიშვილს გოგაშვილზე ბინძური მსახური ერთი-ორი თუ ჰყოლია, მაგრამ ახლა მის ოჯახს ხმის მიწვდენა დასჭირდა ხალხისთვის და წარსულში მისი ქმრისგან დევნილ მედიას მიაშურა სიტყვის სათქმელად. რომ არა კრიტიკული ტელევიზიები, გოგაშვილის ოჯახის ხმას ვერავინ გაიგონებდა, - ამის შესახებ ჟურნალისტი ვახო სანაია „ფეისბუქში“ წერს და მოუწოდებს „ქართული ოცნების“ მხარდამჭერებს, იფიქრონ ამაზე.
„წლებია, სუსი ყველა საძაგლობას კადრულობს ტელევიზიების წინააღმდეგ. ივანიშვილის დავალებით, ძალისხმევას არ იშურებს, გაანადგუროს თავისუფალი მედია. თანამდებობაზე ყოფნის დროს გოგაშვილი ამ სისტემის განუყოფელი ნაწილი იყო და ივანიშვილის დავალებებს ისიც ბეჯითად ასრულებდა.
ახლა შეკითხვა - სად ისმის გოგაშვილის ოჯახის ხმა ?
ისმის „იმედზე“ ? არ ისმის და ვერც ვერასოდეს გაიგონებთ. მისმა ცოლმა პრესკონფერენციაზე „პოსტივის“ მიკროფონი მოისროლა და „იმედის“ მიკროფონს ეძებდა, რომ ნაგავში გადაეგდო.
„ქართული ოცნების“ მხარდამჭერებო, იფიქრეთ ამაზე. ივანიშვილს გოგაშვილზე ბინძური მსახური ერთი-ორი თუ ჰყოლია, მაგრამ ახლა მის ოჯახს ხმის მიწვდენა დასჭირდა ხალხისთვის და წარსულში მისი ქმრისგან დევნილ მედიას მიაშურა სიტყვის სათქმელად.
რომ არა კრიტიკული ტელევიზიები, გოგაშვილის ოჯახის ხმას ვერავინ გაიგონებდა. მიუხედავად იმისა, რომ ძალიან ხმამაღლა ყვირის.
ახლა წარმოიდგინეთ, თქვენ როგორ მოგსპობენ, თუ ეს ტელევიზიები არ იარსებებს. გოგაშვილი მონაგონი იქნება. მეზობლებიც კი ვერ შეიტყობენ, რა გაგიკეთეს.
იფიქრეთ ამაზე. თუ არ მოგწონთ რომელიმე არხი, ეს არ ნიშნავს, რომ ხელისუფლებას ხელი შეუწყოთ მის განადგურებაში.
20 წელია, ამ პროფესიაში ვარ, ბევრი ჩემი კოლეგა - უფრო დიდი ხანია. იმდენი ჩინიანი და უჩინო, რომელიც ჩვენს მოსპობას ცდილობდა და ხელს უწყობდა ხმამაღლა ან დუმილით, გვინახავს ტელევიზიის კართან ატუზული, სიტყვა მათქმევინეთ, ვიღუპებიო, ვერც დავითვლით მათ რაოდენობას“, - წერს ვახო სანაია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.