საქართველოს თავდაცვის ძალები ბორჯომის მუნიციპალიტეტში, სტიქიის ზონაში
ხანძრის სალიკვიდაციო სამუშაოებში უკვე მეორე დღეა აქტიურად არის ჩართული.
ცეცხლის ქრობის სამუშაოების მიმდინარეობას საქართველოს თავდაცვის
მინისტრი დღესაც პირადად გაეცნო. ჯუანშერ ბურჭულაძე ადგილზე კიდევ
ერთხელ ჩავიდა და უშუალოდ მოინახულა ცეცხლის ქრობის პროცესი. ბორჯომის
მუნიციპალიტეტში ბუნებრივი კატასტროფის თავიდან აცილების მიზნით და
ხანძარსაწინააღმდეგო მოქმედებების ეფექტიანად განსახორციელებლად პროცესში
თავდაცვის ძალები საქართველოს პრემიერ-მინისტრის ირაკლი ღარიბაშვილის
ბრძანებით ჩაერთვნენ. ამჟამად, ხანძრის სალიკვიდაციო სამუშაოებს ჯარების
ლოჯისტიკური უზრუნველყოფის სარდლობისა და აღმოსავლეთის სარდლობის I
ბრიგადისა და საბრძოლო-საინჟინრო ბატალიონის სწრაფი რეაგირების
რადიაციული, ქიმიური და ბიოლოგიური დაცვის ასეულის პირადი შემადგენლობა
ახორციელებს. სამხედროები სპეციალური ტექნიკის - მუხლუხებიანი ყველგან
მავალი სახანძრო-სამაშველო ტექნიკის MTLB, წყალმზიდებისა და მაღალი
გამავლობის სახანძრო ავტომანქანების საშუალებით ხანძრის დროულ
ლოკალიზებას ცდილობენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.