რუსეთმა „ნაწილობრივი მობილიზაცია“ დაიწყო, რაც იმას ნიშნავს, რომ „საყოველთაო მობილიზაციამდე“ ერთი ნაბიჯია, რომლის საფუძველზე რუსეთის მოქალაქეობის მქონე პირების მასობრივი გაწვევა გარდაუვალად მოხდება, 18-დან 60-წლამდე! ამიტომ, გავკადნიერდები და მივმართავ რუსეთის ფედერაციაში მცხოვრებ ქართველებს, ვისაც რუსეთის მოქალაქეობა აქვს, განა იმიტომ, რომ მათ „ჭკუა დავარიგო“, ღმერთმა დამიფაროს (ჩემთვის არა მაქვს საკმარისი), არა, მაგრამ, მინდა ჩემი დარდი გავუზიარო, რაც უფრო გამიძლიერდა შექმნილი კრიზისული მდგომარეობის გამო, რომელიც გამოიწვია რუსეთის მიერ უკრაინაზე თავდასხმამ და ფართომასშტაბიანი ომის გაჩაღებამ!..

ალბათ, თქვენთვის იმის ახსნა არ არის საჭირო, რომ პირადად თქვენი, თქვენი შვილების ან შვილიშვილების რუსულ ჯარში გაწვევის შემთხვევაში, - მოგიწევთ უკრაინაში უკრაინელი ჯარისკაცების განადგურება, შესაძლებელია „უნებლიედ მოგიხდეთ“ მშვიდობიანი მოსახლეობის დახოცვაც!.. ჰოდა, ნუ დაიდებთ უპატიებელ ცოდვას, ნუ გახდით ქართველობის სახელს წყევლა-კრულვის ღირსად! ამას იმიტომაც ვამბობ, რომ ვიცი დღევანდელი რუსეთის ჯარში ათასეულობით თუ არა, ასობით ქართველი მსახურობს, ზოგი ოფიცრის წოდებაშიც კი!. რუსს გენეტიკურად მონღოლის ბუნება აქვს, მათი ჩვევაა, რომ ომის დროს წინ არარუს ეროვნებებს „გაირეკავენ“ ხოლმე, მათ ახოცინებენ ადგილობრივებს, ხოლო თუ ესენი დაიღუპებიან - საფლავსაც არ აღირსებენ!..

მოწოდებას ვერ შეგკადრებთ, მაგრამ ძმურად, მეგობრულად, ნათესაურად გირჩევთ, - სასწრაფოდ დატოვეთ რუსეთი, მიყიდ-მოყიდეთ თუ რაიმე გაგაჩნიათ და დაბრუნდით სამშობლოში, ან კიდევ, სხვა მესამე ქვეყანას შეაფარეთ თავი, ვისაც ფინანასურ-ეკონომიკური შეძლება გაქვთ, ან აქ, ან იქ გადაიტანეთ თქვენი ბიზნესი!..

მესმის, ადვილი სათქმელია, რაც დავწერე, მაგრამ თუ გინდათ, რომ რუსეთმა არ წაგართვათ ძვირფასი ადამიანების სიცოცხლე და არ გაქციოთ მკვლელებად, არ დაახანოთ და დროულად მიიღეთ სწორი გადაწყვეტილება!.. სხვა რა გითხრათ, ალბათ, ეს ადრეც უნდა გაგეკეთებინათ, განსაკუთრებით მას შემდეგ, რაც რუსეთმა 2008 წელს აფხაზეთ-ცხინვალის რეგიონის ოკუპაცია და „აღიარება“ მოახდინა!.. მანამდეც, ჩვენს ამ ორივე მხარეში რუსებმა ქართველების ხოცვა და ეთნიკური წმენდა მოახდინეს, სეპარატისტების ხელით!..

ისიც გახსოვთ, ალბათ, რომ 2006 წლის 27 სექტემბერს თბილისში ჯაშუშობის ბრალდებით ოთხი რუსი ოფიცერი დააკავეს, ამის პასუხად, უკვე 3 ოქტომბერს რუსეთმა საქართველოსთან ყოველგვარი საჰაერო, საგზაო, საზღვაო, სარკინიგზო, საფოსტო, ფინანსური კავშირები გაწყვიტა და საიმიგრაციო კანონის დარღვევის საბაბით, საქართველოს მოქალაქეების მასობრივი დეპორტაცია მოახდინა! 2006 წლის სექტემბრიდან 2007 წლის იანვრის ჩათვლით, რუსეთში ხუთი ათასამდე (5000) გაძევების ორდერი გამოიცა საქართველოს მოქალაქეების წინააღმდეგ, რომლებიც დააკავეს და ძალის გამოყენებით გამოაძევეს!..

დიახ, რუსეთის ფედერაციის უმაღლესმა პირებმა ბრძანება გასცეს ქართველების მასობრივად და უკანონოდ დაპატიმრების შესახებ და მოახდინეს მათი კოლექტიური გამოძევება!.. რუსებმა ქართველების დეპორტაცია უაღრესად დამამცირებელი მეთოდებით განახორციელეს! საქართველოს მოქალაქეებს პირდაპირ ქუჩებში, მარკეტებში და სხვა საჯარო ადგილებში აკავებდნენ და გადაჰყავდათ პოლიციის განყოფილებებში, სადაც არაადამიანურ პირობებში ამყოფებდნენ! საკნები, რომლებსაც რუსები „მაიმუნების გალიას“ ეძახდნენ, იყო პატარა და თანაც გადატვირთული, სადაც დაკავებული ქალები და კაცები ხშირად ერთად იყვნენ მოთავსებულები და იმ სივიწროვეში დაჯდომის საშუალებაც არ ჰქონდათ!

პოლიციის იზოლატორში ყოფნის შემდეგ, ქართველებს ერთად აჯგუფებდნენ და ავტობუსით მიჰყავდათ სასამართლოებში, რომლებიც საქართველოს მოქალაქეებს აკისრებდნენ ადმინისტრაციულ სასჯელს და აძევებდნენ რუსეთიდან! ქართველები ავტობუსით მოსკოვის სხვადასხვა აეროპორტებში გადაჰყავდათ, საიდანაც ხდებოდა საქართველოში დეპორტაცია!.. რუსებმა საქართველოს გამოძევებული მოქალაქეების პირველი ნაკადი 2006 წლის 6 ოქტომბერს „გამოამგზავრეს“ - სატვირთო თვითმფრინავით!!!

პ.ს. წარმოიდგინეთ, რუსეთის მოქალაქე ქართველებს რა დღეში ჩააგდებენ, თუ მათ „დეზერტირობა შეამჩნიეს“...

ჯუმბერ კირვალიძე,

პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი