„საქართველოს სტრატეგიული კვლევებისა და განვითარების ცენტრმა“ (CSRDG) ევროკავშირის მხარდაჭერით, სოციალური საწარმოების რიგით მესამე, მასშტაბურ და გავლენაზე ორიენტირებულ B2B (ბიზნესი ბიზნესისთვის) გამოფენას უმასპინძლა.
გამოფენის მიზანი სოციალურ საწარმოებსა და ბიზნესსექტორს, ასევე, საზოგადოებრივ და სახელმწიფო სექტორებს შორის საქმიანი ურთიერთობების გაღრმავებაა. წლევანდელი ღონისძიების თემა იყო პასუხისმგებლიანი შესყიდვების პრაქტიკის განვითარება მეტი სოციალური და გარემოსდაცვითი გავლენის უზრუნველსაყოფად.
ღონისძიების მონაწილეებსსიტყვით დედაქალაქის მერმა, კახა კალაძემ და საქართველოში ევროკავშირის ელჩმა, პაველ ჰერჩინსკიმ მიმართეს.
„მოხარული ვარ, რომ თბილისი მასპინძლობს ძალიან მნიშვნელოვან ღონისძიებას- სოციალური საწარმოების მესამე მასშტაბურ B2B გამოფენას. სოციალური მეწარმეობის სფეროს ხელშეწყობა თბილისის მერიისთვის ერთ-ერთი პრიორიტეტული მიმართულებაა. ამ მხრივ, უკვე წლებია სისტემატურად ვუჭერთ მხარს, როგორც უშუალოდ სოციალურ საწარმოებს, ისე სფეროს განვითარებისთვის მოქმედ ორგანიზაციებს.სოციალური მეწარმეობის მხარდაჭერა „საქართველოს სტრატეგიული კვლევებისა და განვითარების ცენტრთან“ ერთად,დიდი ხნის წინ დავიწყეთ და აღნიშნულ სფეროს წლების განმავლობაში ვეხმარებით. თანამშრომლობის ფარგლებში, ბევრი კარგი პროექტი განხორციელდა. მაგალითად: სოციალური საწარმოების ეკონომიკური გაძლიერების მიმართულებით სხვადასხვა შესაძლებლობებზე ხელმისაწვდომობის ზრდა, რომლის ერთ-ერთი მაგალითია დღევანდელი B2B გამოფენა; „თბილისობის“ ყოველწლიურ დღესასწაულზე სოციალური საწარმოებისთვის სპეციალურად გამოყოფილი სივრცეები;სოციალური მეწარმეობის ფორუმის მხარდაჭერა;სოციალური მეწარმეობის განვითარების ხელშემწყობი ღონისძიებები ახალგაზრდებში;სოციალური სერვისების მიმწოდებელი საწარმოებისთვის ვაუჩერულ დაფინანსებებზე ხელმისაწვდომობის ზრდა“, - განაცხადა თბილისის მერმა.
მისივე თქმით, რამდენიმე დღის წინ მუნიციპალიტეტის მხარდაჭერით, ასევე გაიხსნა სოციალური კონცეფციის მაღაზია „ესკი“, რომელმაც აღნიშნული ფორმით,ერთ სივრცეში სოციალური მეწარმეების პროდუქციაპირველად გააერთიანა.
„დღეს საქართველოში 150-მდე სოციალური საწარმო ფუნქციონირებს. მათი მისიები მრავალფეროვანია. გვიხარია, რომ სოციალურ საწარმოებსა და ბიზნესსექტორს შორის თანამშრომლობის კარგი პრაქტიკა დაინერგა და ეს გამოფენაც, სადაც50-მდე სოციალური საწარმოა წარმოდგენილი, ამ გამოცდილების გაგრძელების კარგი შესაძლებლობაა. კიდევ ერთხელ მინდა გამოგიცხადოთ ჩემი მხარდაჭერა და თანადგომა. ჩვენ ასევე, აქტიურად მივიღებთ მონაწილეობას ბიზნესსექტორთან კომუნიკაციაში, რომ მათგან უფრო მეტი წარმომადგენელი დაინტერესდეს და მეტი მხარდაჭერა ჰქონდეთ“, - აღნიშნა დედაქალაქის მერმა.
ღონისძიების მონაწილეები 47 სოციალური საწარმოს პროდუქციასა და სერვისს გაეცნენ, შეხვდნენ სოციალურ მეწარმეებსა და სამომავლო თანამშრომლობის შესაძლებლობები განიხილეს.გამოფენის ფარგლებში, პირველ ოქტომბერს საშემოდგომო მარკეტიც გაიმართება, სადაც სტუმრები საწარმოების მრავალფეროვანიპროდუქციის დათვალიერებასა და შეძენას შეძლებენ. ასევე,ჩატარდება სემინარი, სადაც გავლენაზე ორიენტირებული ინვესტირების საკითხებში ევროპული გამოცდილებისა და თანამედროვე ტენდეციების შესახებ გამოცდილების გაზიარებას შეძლებენ.
B2B გამოფენა CSRDG-ის ინიციატივით, 2017 წლიდან იმართება. ღონისძიების მხარდამჭერია ევროკავშირი და საერთაშორისო ორგანიზაცია „პური მსოფლიოსთვის“. პროექტის მხარდამჭერ ორგანიზაციებს შორის მუნიციპალიტეტის მერიაც შედის.
ღონისძიებას თბილისის მერის მოადგილე ანდრია ბასილაია, სოციალური მეწარმეები, ბიზნესსექტორის, დიპლომატიური კორპუსის, სახელმწიფო და საზოგადოებრივი ორგანიზაციების წარმომადგენლები დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.