„საქართველოს თავდაცვის სამინისტროს წლევანდელი ბიუჯეტი 80 მილიონი
ლარით გაიზარდა. პრიორიტეტები, რომელიც დასახული იყო, კერძოდ, სოციალური
პირობები ჯარისკაცისთვის რჩება და არ გადავუხვევთ ამ პოლიტიკას“, - აღნიშნა
საქართველოს თავდაცვის მინისტრმა ჯუანშერ ბურჭულაძემ ტელეკომპანია
„იმედის“ ეთერში. მინისტრის განცხადებით, გაზრდილი ბიუჯეტის ხარჯები
პროპორციულად გადანაწილდება. ჯუანშერ ბურჭულაძემ აღნიშნა, რომ 2023 წლის
თავდაცვის უწყების ბიუჯეტი იგივე პრინციპით გადანაწილდება და კვლავ
პრიორიტეტად რჩება ჯარისკაცისთვის სოციალური პირობების გაუმჯობესება. „ეს
გახლავთ პრემიერ-მინისტრის მიერ ინიცირებული ჯარისკაცზე ზრუნვის
პოლიტიკის ფარგლებში, თუმცა ეს არ ნიშნავს, რომ ჩვენ შევასუსტებთ
შეიარაღების მიმართულებას. ჩვენ ძალიან ამბიციური გეგმები დავისახეთ.
პარტნიორების რეკომენდაციით ჩვენ დავსახეთ საშუალო და გრძელვადიანი გეგმა,
რომელიც 10- წლიან პერსპექტივას გულისხმობს, რასაც გეგმაზომიერად
მივყვებით. გაზრდილი ბიუჯეტი ჩვენ იმის შესაძლებლობას მოგვცემს, რომ
დასახულ გეგმას ცოტა გავასწროთ კიდეც“, - განაცხადა ჯუანშერ ბურჭულაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.