დედაქალაქის მერი კახა კალაძე, საკრებულოს თავმჯდომარე გიორგი ტყემალაძესთან ერთად, თბილისის ადგილობრივი ეკონომიკური განვითარების მე-12 ფორუმს დაესწრო. ღონისძიება სახელწოდებით - „მდგრადი ეკონომიკური აღდგენა“ თბილისის მერიის ეკონომიკური განვითარებისსაქალაქო სამსახურის ორგანიზებით იმართება და ის ორი დღის განმავლობაში გაგრძელდება.
დედაქალაქის მერმა ფორუმის მონაწილეებს სიტყვით მიმართა და აღნიშნა, რომ ღონისძიება შესაძლებლობას იძლევა, ურბანული განვითარების პერსპექტივებზე და თანამედროვე ტენდენციებზე იმსჯელონ.
„წლების განმავლობაში, აღნიშნული ფორუმი ქალაქების მდგრადი განვითარების მიმართულებით, გამოცდილების, თანამედროვე მიდგომების გაზიარებისა და ახალი იდეების გააზრების ეფექტურ პლატფორმადჩამოყალიბდა.განვაგრძობთ ამ მრავალწლიან ტრადიციას და ვცდილობთ, ფორუმზე წარმოდგენილი თემატიკა პასუხობდეს იმ თანამედროვე გლობალურ ტენდენციებს, რომელიც მნიშვნელოვან როლს თამაშობს ქალაქებისა და ქვეყნების განვითარებაში“, - განაცხადა კახა კალაძემ.
მისი თქმით, მნიშვნელოვანია თბილისში ურბანული განვითარების ტემპი და ამ კუთხით ბოლო პერიოდის მიღწევები.
„ჩვენს დედაქალაქში ურბანული განვითარების ტემპი და ბოლო პერიოდის მიღწევები ნამდვილად აღნიშვნის ღირსია. ჩვენი მიზანია, დედაქალაქის ურბანული პოტენციალის ზრდა და ამ მხრივ, მის მდგომარეობაზე მნიშვნელოვანი აქცენტის გაკეთება. ამ პრინციპისადმი ერთგულება დავადასტურეთ, მათ შორის, პანდემიის პერიოდში. არაერთ მნიშვნელოვან რეფორმას ვახორციელებთ მდგრადი ურბანული განვითარების მიმართულებით, რომლის ეფექტი და სიკეთეები გრძელვადიან პერსპექტივაში უფრო საგრძნობი გახდება“, - აღნიშნა კახა კალაძემ.
თბილისის მერმა საერთაშორისო ორგანიზაციების, საქართველოს მუნიციპალიტეტების მერიისა და საკრებულოს წარმომადგენლებს თანამშრომლობისთვის მადლობა გადაუხადა.
„მადლობა საერთაშორისო ორგანიზაციებს, რომლებიც წლებია გვერდში გვიდგანან და ჩვენთან ერთად მუშაობენ ბევრ მნიშვნელოვან პროექტზე. ისინი ჩართული არიან რეგიონის განვითარების პროცესში. მადლობას ვუხდი და წარმატებებს ვუსურვებ ჩვენს ადგილობრივ და უცხოელ სპიკერებს, ჩემს კოლეგებს, საქართველოს ყველა მუნიციპალიტეტის მერიისა და საკრებულოს წარმომადგენელს, აქ მყოფ სტუდენტებს“, - განაცხადა კახა კალაძემ.
ადგილობრივი ეკონომიკური განვითარების ფორუმი 2007 წლიდან იმართება, რომლის ფარგლებშიც, დედაქალაქი ყოველწლიურად, როგორც ადგილობრივ, ასევე საერთაშორისო დონის სპიკერებს, სხვადასხვა დარგის ექსპერტებს, მუნიციპალიტეტებისა და აკადემიური წრეების წარმომადგენლებს მასპინძლობს.
ღონისძიების მიზანი გამოცდილების, თანამედროვე მიდგომებისა და იდეების გაზიარებაა, რომელიც თანამშრომლობის ჩამოყალიბებისა და ქალაქების განვითარების მდგრად და გრძელვადიან პერსპექტივას ქმნის. ფორუმის თემატიკა ურბანული განვითარების თანამედროვე ტენდეციებსა და საჭიროებებს მოიცავს, რომელიც ქალაქების სრულ ჩართულობასა და პროაქტიურ ქმედებებს მოითხოვს.
ღონისძიებას თბილისის მერის მოადგილეები ანდრია ბასილაია და კახა გულედანი, ასევე, ეკონომიკური განვითარების საქალაქო სამსახურის უფროსი ვახტანგ ლომჯარია დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.