გიორგობის დღესასწაულთან დაკავშირებით, სოფელ ქვედა ცაგერში, აეროპორტის ტერიტორიაზე მუნიციპალური ასპარეზობა ჩატარდა ცხენოსნობაში.
ღონისძიების ორგანიზატორები იყვნენ მერიის განათლების, კულტურის და სპორტის სამსახური, ა(ა)იპ კომპლექსური სასპორტო სკოლა , მხარდამჭერები მერია და საკრებულო.
დოღში მონაწილეობა მიიღო სოფლების: სპათაგორის, ლაჯანის, ზუბის, ღვირიშის, უცხერის, წიფერჩის, დეხვირის, საირმის, გვესოს, ბარდნალის და ქვედა ცაგერის საუკეთესო 14-მა ცხენოსანმა.
ჯგუფურ გარბენებში გამარჯვებულებმა საბა ცალქალამანიძემ , გიორგი მახარობლიძემ, დემურ მეცხორაძემ, შოთა გასვიანმა იასპარეზეს ფინალში,რომელშიც ადგილები ასე გადანაწილდა: პირველი ადგილი-შოთა გასვიანი(სოფ. ღვირიში) ცხენი ,,ტორნადო", მეორე ადგილი- საბა ცალქალამანიძე(სოფელი წიფერჩი), ცხენი ,,კინტო", მესამე ადგილი დემურ მეცხორაძე (სოფელი საირმე), ცხენი ,,ქორო".
იორღა დოღში(სწრაფი სიარული) პირველ ადგილი-ბაკურ ხეცურიანი(წიფერჩი), მეორე ადგილი -გურჯი თუთისანი(სოფელი ზუბი).
გამარჯვებულ და საპრიზო ადგილზე გასულ მხედრებს გადაეცათ მუნიციპალიტეტის მერიის გარდამავალი თასი, შესაბამისი ხარისხის დიპლომები და ფულადი პრიზები.წარმატებულ მხედრებს პრიზები გადასცეს ასევე ა(ა)იპ ახალგაზრდულმა ცენტრმა /ხელმძღვანელი მამუკა ჩიქოვანი/ და კერძო მეწარმე ბექა საღინაძემ.
ღონისძიებას ესწრებოდნენ: მუნიციპალიტეტის საკრებულოს თავმჯდომარე ჭაბუკი ჭაბუკიანი, მერის პირველი მოადგილე/ მერის მოვალეობის შემსრულებელი ალუდა თუთისანი, მერის მოადგილე რევაზ ახვლედიანი,საკრებულოს თავმჯდომარის მოადგილე გიორგი გუგავა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.