„ერთიანი ნაციონალური მოძრაობის“ დეპუტატსა და „ქართული ოცნების“ მრავალგზის პარლამენტარ ვიქტორ ჯაფარიძეს შორის სიტყვიერი დაპირისპირება მოხდა. წითლიძე ჯაფარიძეს ვიდეოკამერების წინ მიეჭრა და უთხრა, რომ საქართველოს ყოფილ პრეზიდენტზე, მიხეილ სააკაშვილზე გაკეთებული განცხადების გამო „ნაძირალა და არაკაცია“.

წითლიძემ „ქართული ოცნებიდან“ სოზარ სუბარის, მიხეილ ყაველაშვილის და დიმიტრი ხუნდაძის მიერ დაფუძნებულ „ხალხის ძალაში“ გადასულ დეპუტატს ასევე „შეახსენა“, რომ იგი მიხეილ სააკაშვილს „წითელ ხალიჩას უგებდა მესტიაში“ და პრეზიდენტის „სადღეგრძელოს სვამდა“.

ვიქტორ ჯაფარიძემ ანი წითლიძეს უთხრა, რომ მისნაირებს არ ელაპარაკება.

ანი წითლიძე: შენ ხარ ნაძირალა, არაკაცი, იმ განცხადების გამო, რაც გააკეთე პრეზიდენტ სააკაშვილზე.

ვიქტორ ჯაფარიძე: არაკაცს იცავ შენ, არაკაცს იცავ.

ანი წითლიძე: მონა იყავი სააკაშვილის მთელი 9 წელი.

ვიქტორ ჯაფარიძე: მე?

ანი წითლიძე: როგორი მონაც იყავი, ისეთივე მონად დარჩი, არაკაცი, ნაძირალა ხარ. შე არაკაცო, როგორ ბედავ, რომ საერთოდ ხმა ამოიღო პრეზიდენტზე, როგორ ბედავ, შე რუსების მონავ, მართლა ნაძირალა არაკაცო...

ვიქტორ ჯაფარიძე: აი, სააკაშვილის სახე. მე შენნაირებს არ ველაპარაკები, აი, მონა სად არის. არაკაცები სახლში მოიკითხე. ბოდიში, არ გელაპარაკები, მაინც ქალბატონი ბრძანდებით.

ანი წითლიძე: მიხეილ სააკაშვილს წითელ ხალიჩას უგებდი მესტიაში რომ ჩამოდიოდა.

ვიქტორ ჯაფარიძე: მე, მიშას?!

ანი წითლიძე: მონა იყავი, მის სადღეგრძელოებს სვამდი.

ვიქტორ ჯაფარიძე: მე? ვის სადღეგრძელოს ვსვამდი?... მიშა სააკაშვილმა იმდენი ცოდვა ჩაიდინა ამ ქვეყანაში, რომ მისთვის მე არაფერი კარგი არ მემეტება.

„სხვა პატიმრები ავადმყოფები არ არიან?! ვინ მოწამლა?! გაჩერდი ერთი. მოკვდება და ძაღლი მიკვდომია სულში კიდე! ვისაც გინდა იმას ვეტყვი", - თქვა ვიქტორ ჯაფარიძემ მიხეილ სააკაშვილის შესახებ პარლამენტში, „სტრატეგია აღმაშენებლის“ დეპუტატ პაატა მანჯგალაძესთან კამათისას.