„ქართული ოცნების“ მრავალგზის პარლამენტარმა, ვიქტორ ჯაფარიძემ საქართველოს ყოფილ პრეზიდენტზე, მიხეილ სააკაშვილზე კომენტირებისას თქვა, რომ იგი „ამ წუთში მესამე პრეზიდენტი კი არა, არამედ სისხლის სამართლის დამნაშავეა და მას ბევრი სისხლი უსვია ხელებზე“.

„ქართული ოცნებიდან“ სოზარ სუბარის, მიხეილ ყაველაშვილის და დიმიტრი ხუნდაძის მიერ დაფუძნებულ „ხალხის ძალაში“ გადასულმა, თუმცა საპარლამენტო უმრავლესობაში დარჩენილმა დეპუტატმა ჟურნალისტებთან საუბრისას განაცხადა, რომ ყოფილი პრეზიდენტის სიკვდილი „არ ეწყინება“, მოგვიანებით კი განმარტა, რომ სააკაშვილის სიკვდილი მის მომხრეებს უნდათ.

„მიშაზე უფრო მძიმე ავადმყოფები ჰყავს ამ ქვეყანას. ასეთი ლაჩარი პრეზიდენტი რომ გყავთ არ გრცხვენიათ?! მე მრცხვენია, ეგეთი ლაჩარი რომ გვყავდა. გვარამია ზის კაცურად იგერ, ხმას არ იღებს, სხვებმაც მოიხადეს სასჯელი, ვინ ტიროდა ასე, ასეთი მტირალა, ვაიმე დედიკო მიშველე, არა გრცხვენიათ? მე მრცხვენია... მე პრეტენზია მაქვს ამ ხელისუფლების მიმართ, რომ მიხეილ სააკაშვილი არ არის საპყრობილეში და არის საავადმყოფოში, ამის პრეტენზია მაქვს ჩვენს ხელისუფლებასთან... არ მეცოდება, მიშა სააკაშვილი იმსახურებს ყველაზე უარესს, მიშა სააკაშვილზე უფრო დიდი დამნაშავე ქართულ საპყრობილეს არ ჰყოლია“...

...“დააცადეთ ამ ხალხს ცხოვრება, ქვეყანა წინ მიდის, მოასვენეთ ეს ხალხი, მიშას სიკვდილი იცით, ვის უნდა?! მის მომხრეებს, ვინც მარტო მიაგდო და კონტეინერში დატოვა“, - უთხრა ჟურნალისტებს ვიქტორ ჯაფარიძემ.