სამხედრო მოსამსახურეების ანაზღაურება 20 პროცენტით გაიზრდება - აღნიშნულის შესახებ საქართველოს თავდაცვის მინისტრმა ჯუანშერ ბურჭულაძემ განაცხადა.
„თავდაცვის ბიუჯეტი ბოლო კვარტალში 10 პროცენტით, დაახლოებით, 90 მლნ ლარით
გაიზარდა. შესაბამისად, მომავალი წლის ბიუჯეტი 6 პროცენტით მეტია, ვიდრე მიმდინარე.
აღნიშნულმა სამხედრო მოსამსახურეების ანაზღაურების 20 პროცენტით გაზრდის საშუალება
მოგვცა; ასევე, რესურსის თავდაცვის შესაძლებლობების განვითარებისა და მნიშვნელოვანი
ხელშეკრულებების დადების შესაძლებლობა მოგვეცა“, - განაცხადა ჯუანშერ ბურჭულაძემ.
ჯუანშერ ბურჭულაძემ სამხედროებისა და მათი ოჯახების სოციალური დაცვის თვალსაზრისით
ისეთ მნიშვნელოვანი სიახლეზე ისაუბრა, როგორიცაა გარკვეულ კატეგორიებზე კომპენსაციების
ოდენობის ზრდა. „ჩვენ არსებითად გავზარდეთ როგორც საბრძოლო მოქმედებების, ასევე
სამსახურებრივი მოვალეობის შესრულების დროს დაჭრილ-დაშავებულთა კომპენსაციები.
ყველა ამ სახის კომპენსაცია დაახლოებით გავაორმაგეთ. კომპენსაციები საბრძოლო
მოქმედებების დროს დაღუპულთა შემთხვევაში არის 100 000 ლარი, ეს ბატონ ბიძინა
ივანიშვილის პრემიერობის დროს დაწესდა. ამ შემთხვევაში იზრდება პირთა წრე და
გულისხმობს სამოქალაქო პერსონალსაც, რომელიც მონაწილეობს მხარდამჭერ კომპონენტში
საბრძოლო მოქმედებებში“, - განაცხადა ჯუანშერ ბურჭულაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.