დიდუბის რაიონის გამგებელმა, ვლადიმერ ძნელაძემ საზოგადოებას 2022 წლის განმავლობაში შესრულებული საქმიანობის ანგარიში წარუდგინა.
მიმდინარე წელს, დიდუბეში მნიშვნელოვანი ინფრასტრუქტურული პროექტები განხორციელდა. კერძოდ, ამ მიმართულებაზე 6 559 340 ლარი იყო გათვალისწინებული. საგზაო ინფრასტრუქტურა 73 მისამართზე მოწესრიგდა, 48 557 კვ.მ ფართობზე ასფალტის საფარი დაიგო. სამ მისამართზე მოეწყო მოსასვენებელი სივრცე, ხოლო 109 სკვერში სხვადასხვა სახის სამუშაო განხორციელდა.
მნიშვნელოვანი სამუშაოები განხორციელდა მიწისქვეშა კომუნიკაციების მოწესრიგების მიმართულებით -წყალარინების სისტემა და სანიაღვრე ქსელი ექვს მისამართზე მოწესრიგდა. მათ შორის, კედიას ქუჩაზე სანიაღვრე ქსელი მოეწყო, რომლის არარსებობა ადგილობრივ მოსახლეობას დისკომფორტს უქმნიდა.
სპორტის პოპულარიზაციისა და ხელშეწყობის მიზნით, კედიას ქუჩის N10-ში სპორტული მოედანი და მოსასვენებელი სივრცე მოეწყო, ხოლო 27 მისამართზე დაზიანებული მოედნების რეაბილიტაცია განხორციელდა.
ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, სხვადასხვა სახის 164 სარეაბილიტაციო პროექტი განხორციელდა. განახლდა 64 დაზიანებული ლიფტი, შეიცვალა 31 კორპუსის სახურავი, 15 მისამართზე მოეწყო წყალსაწრეტი მილები, მიწისქვეშა კომუნიკაციები 19 მისამართზე შეიცვალა, 2 მისამართზე კი საცხოვრებელი სახლი კაპიტალურად გამაგრდა.
ამასთან, 2022 წელს ჯანდაცვისა და სოციალური მიმართულების პროგრამისთვის 4 008 040 ლარი იყო გათვალისწინებული. ერთჯერად ფულად დახმარებაზე 2 363 განაცხადი დაფინანსდა, მედიკამენტებით დახმარება გაეწია 3 317 მოქალაქეს, სამედიცინო მომსახურება 1003 განმცხადებელს დაუფინანსდა. გარდა ამისა, ამ დროისთვის, ბინის ქირა 124 ოჯახს უფინანსდება.
გარდა ინფრასტრუქტურული და სოციალური მიმართულებისა, მიმდინარე წელს დიდუბის რაიონში ოთხი კულტურული და შვიდი სპორტული ღონისძიება ჩატარდა.
პრეზენტაციას თბილისის მერის მოადგილე კახაბერ გულედანი, დიდუბის მაჟორიტარი დეპუტატი დედაქალაქის საკრებულოში გივი ჩხარტიშვილი, თბილისის სხვადასხვა რაიონის გამგებლები, მერიისა და საკრებულოს წევრები და ადგილობრივი მცხოვრებლები დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.