მესტიის მუნიციპალიტეტის სოფელი ეცერი - GUARDIAN.GE-ის არქივის ფოტო
მესტიის მუნიციპალიტეტის ეცერის ადმინიტრაციული თემის სოფელ ჭელირში გვიან ღამით ორი ახალგაზრდა მამაკაცი მოკლეს, დაჭრილია ერთ-ერთი მოკლულის ძმა.
როგორც GUARDIAN.GE-იმ გაარკვია, ასევე ნაცემია ქალბატონი - ერთ-ერთი მოკლულის დედა - რომელსაც თავის არეში ბლაგვი საგნის ჩარტყმის შედეგად მძიმე დაზიანება აქვს მიღებული, იგი ქუთაისის საავადმყოფოშია გადაყვანილი.
GUARDIAN.GE-ის ერთ-ერთმა ადგილობრივმა მცხოვრებმა უთხრა, რომ კონფლიქტი დაპირისპირებულ მხარეებს შორის ძველ უთანხმოებას მოჰყვა.
GUARDIAN.GE-ისთვის გარდაცვლილთა ვინაობა ცნობილია. ისინი ამავე სოფლის მკვიდრნი არიან. ერთ-ერთ მათგანს, რომელიც სასაზღვრო პოლიციის თანამშრომელი იყო, სხეულზე ათამდე ნატყვიარი აქვს. მათი ცხედრები ექსპერტიზაზეა გადაყვანილი.
მომხდარ ფაქტთან დაკავშირებით დაკავებულია რამდენიმე ადამიანი. ერთ-ერთი პირი - ერთ-ერთი მოკლული ახალგაზრდა მამაკაცის მამა, რომელმაც ცეცხლსასროლი იარაღით სხვა ახალგაზრდა მამაკაცი მოკლა - თავად ჩაბარდა პოლიციას და დანაშაული აღიარა.
შსს-ს ცნობით, გამოძიება სისხლის სამართლის კოდექსის 109-ე მუხლის „ლ“ ქვეპუნქტით მიმდინარეობს, რაც დამამძიმებელ გარემოებაში ჩადენილ ორი პირის განზრახ მკვლელობას გულისხმობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.