პოლიტოლოგ სოსო ცისკარიშვილის განცხადებით, "ნაციონალური მოძრაობის" რეიტინგის ზრდა ,,ქართული ოცნების“ მხარდამჭერთა შემცირებამ განაპირობა. ამის ხელისშემწყობი ერთ-ერთი ფაქტორი კი ცისკარიშვილის აზრით ისაა, რომ "ნაციონალური მოძრაობის" ამომრჩევლებიც უფრო აქტიურები არიან და თავად პოლიტიკური ბირთვიც ბევრად უფრო აქტიურია, ვიდრე "ოცნების".
,,ტენდენციაა, რომ "ქართული ოცნების" მხარდაჭერამ იკლო და სწორედ ამითია გამოწვეული "ნაციონალური მოძრაობის" რეიტინგის ზრდა. თვალს ნუ დავხუჭავთ იმ ფაქტზე, რომ "ნაციონალური მოძრაობის" ამომრჩევლებიც უფრო აქტიურები არიან და თავად პოლიტიკური ბირთვიც ბევრად უფრო აქტიურია, ვიდრე "ოცნების". საიდუმლო არავისთვისაა, რომ "ნაციონალურ მოძრაობას" თავისი ტყუილ-მართალი გზავნილებით დაახლოებით 10-ჯერ მეტი სივრცე აქვს დაფარული, ვიდრე ამის შესაძლებლობა გააჩნია "ქართულ ოცნებას" და ესეც ერთ-ერთი სერიოზული კომპონენტია იმ დაბეჩავებისა, რასაც "ოცნების" რეიტინგებში ვამჩნევთ“,- აცხადებს ცისკარიშვილი.
ექსპერტის შეფასებით, დღევანდელი ხელისუფლება საერთაშორიო საზოგადოებასთან კომუნიკაციის თვალსაზრისითაც ,,დაბეჩვებულია“.
"ოცნება" დაბეჩავებულია ჩვენს პარტნიორებთან უცხოეთში, მაღალი გავლენის მქონე საერთაშორისო ორგანიზაციებთან კომუნიკაციის სიღარიბით. რატომღაც მათთან ურთიერთობა აღმოჩნდა ყველაზე ზედმეტი "ოცნების" მთავარი მეოცნებისთვის და შედეგი სახეზეა", - აცხადებს სოსო ცისკარიშვილი.
აღნიშნული განცხადება სოსო ცისკარიშვილმა არასამთავრობო ორგანიზაცია "ევრაზიის თანამშრომლობის ფონდის" მიერ ჩატარებული კვლევის შეფასებისას გააკეთა. კვლევის თანახმად, ,,ოცნების" მხარდამჭერთა რიცხვი 2 წელიწადში 36%-ით შემცირდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.